من شهر تقريبا او اقل من شهر يو ناس يخطبون اختيه لولدهم ولدهم عمره 26 سنه يشتغل ويدرس
المشكله انه الوالده عقب ما ساروا قالت ما نباهم لانهم مب من ثوبنا ولا احنا من ثوبهم
ابويه قال اهم شي راي البنت احنا الي علينا بنسويه بنسأل عنه وان طلع زين بنشوف راي البنت
حاولوا اخواني يدخلون ويتفاهمون ويالوالده عقب ما يسألون عن الريال من حقها ترفض او توافق لكن الوالده ما اقتعت قالولها البنت الحين في هالزمن اتيها الفرصه مره وحده عقب يطوفها الزواج قالت البنت صغيره وجدامها العمر قالت الحين بياخذ بنتنا عقب بيعايرها رديت على الوالده وانا اضحك اذا عايرها تعايره اذا قالها يالسوده تقوله يالحنطي هههههههه وكلنا عيال تسعه الي خلقها خلقه ولا فرق بينه وبينها ومحد احسن عن حد قالت الوالده لا هاذيلا الحنطيين خقاقين وشايفن نفسهم ردينا عليها امايه احنا مب في عصر الجاهليه قلت لها ولدج ماخذ بيضه ما قلتي شي ولا يعني الرضا على ناس وناس لا
الريال اذا افتكر في لون اختي جان من الاساس ما اتقدم لها وبعدين في كل لون الزين والشين
ولو بنتج مب حليوه جان ما تقدم لها
الاهل سألوا عن الريال وعرفوا وين مكان شغله ووين يدرس بالاختصار نخلوا الولد نخال طلعت سمعت الريال طيبه
الوالده انسانه تفكيرها مال اول وشويه فيها عنصريه مب بس في اللون في اشياء ثانيه صعب تقتنع بأي شي لو تيلس وياها سنين ومنين ما بتقتنع واذا اقتنعت عادي اتغير رايها ثاني يوم
اختيه عمرها 22 تدرس في الجامعه هذي اخر سنه لها ربي يوفقها طولها 155 وزنها 49
تفكيرها في اللعب يعني لعب البنات والموضه، مب وايد تفكر في الزواج اهم شي عندها تكمل تعليمها وتتوظف وتعتمد على نفسها تحب الشغل وايد لدرجه انها اشتغلت في الصيف شغلتين
الصبح في وظيفه والعصر في وظيفه ثانيه انسانه عمليه الاشياء الي يسونها البنات تسويها ما يهمها اذا صح ولا غلط المهم تساير العصر الي عايشتنه واي شي يقولولها ربعها تصدق وتحب تقلد اربيعاتها في اللبس والاكل والتصرفات ينقص عليها وايد وهذا السبب الي يخليني اباها توافق لاني وايد اخاف عليها وفي نفس الوقت اشوف صعب توافق اذا الوالده رافضه
كلمت اختيه وسأليتها عن رايها قالت ما بتوافق اذا الوالده رافضه رديت عليها الي تسويه صح اهم شي رضا الوالده عشان الله يوفقج في حياتج وفي نفس الوقت اباج تعرسين عشان افتك منج ههههههههههههههه
هذا ثاني واحد يتقدم لها
الاول تقدم لها يوم كان عمرها 19 سنه الولد كان عمره 20 سنه رفضناه عشان ما يشتغل وظروفه وايد صعبه
الوالد قاله يوم بتشتغل حياك الله تقدم
لين متى بتم هذي النعرات القبليه والتفرقه العنصريه في اللون
هل الانسان بلونه وشكله ولا باخلاقه وقلبه الطيب
الابيض يرفض الاسمر والاسمر يرفض الابيض
الرسول صلى الله عليه وسلم قال انما بعثت لأتمم مكارم الاخلاق ما قال لاتمم النعرات القبليه وافرق في اللون
يمكن هذا نصيبها ومكتوب لها
الله يووفق اختج ويسعدها
الله يكتب اللي فيه الخير وان شاء الله الله يهديها وتواافق
ياارب ياااارب يااااارب
وكل شي نصييب وكلنا عند الله سوااسيه