الي تلف شعرها وهو مبلول تعالوا نتخلص من هالعادة ونخلي شعرنا مفرود بدون لفات 2024.

السلام عليكم خواتي ..

موضوعي غريب صح ههههه بس يامكثر هالفئات من بينا واولهم انا

هني ابا كل وحدة من تتسبح تلف شعرها .. وهو مبلول تحاول تصلح من نفسها..

من البداية .. انا شعري ناعم الحمدلله ومتوسط الطول يعني نص الظهر

لكن عودت شعري انه من اتسبح الفه واحط عليه القباضة وانتهى ..

وشعري تعود على اللف .. يعني من ينشف وافتحه يكون ملتوي 60 مرة خخخخخخخ يروح جمال شعري بالكامل ..

خاطري ايي سيدة بتموجات مفتوحه مب مسكرة ..

اكيد وايدين مثلي .. وعشان نعدل هالشي يباله وقت الشعر يتعود انه ما ينلف .. ويرد طبيعي

فكيف ممكن نعالج الموضوع .. اكره اخللي شعري مفتوح بعد ما اسبح كيف ممكن ارفعه ويتعدل في نفس الوقت ..؟؟

يالله نغير هالعاده السيئة الي مخربه شعورنا خلاص انا ناوية عليه بس مب عارفه كيف اتصرف وياه لأنه ما يلف لفه كاملة لأنه مب طوييل وايد ..

ساعدونا ..

آنا حالي نفسسج ..,

بس المشكله من أهده وأخليه مفتووووووح يستوي كششه عدله

فمآا اعرف شاسوي فييه

وانا بعد نفس الشي من اتسبح على طول اسحيه وألفه بالقباضه

هالحركة هيه سبب القشرة

انزين والحل ؟ ؟ حرام شعورنا تخترب جي

صح في ناس طبيعه شعورهم جافه او خشنة ..

بس الي شعورهم ناعمه ومخربين شعورهم بيدهم .. يعني عودناه على اللف كيف ممكن نغير فيه ونعدله؟

اللي فعلا يتمشكل في هالسالفة الكوافيرة—- جتني وحدة اسم الله عليها شعرها غليظ وطويل وتباني أستشور شعرها حاولت أفتح شعرها ما قدرت— قالت لي اسمحي لي وهو مبلول ربطه—- اتصدقون تقريبا نص ساعة أحاول افتح شعرها مب قادرة—- فقالت من يومين مب امشطه شعري—- قلت ياسلام خذي المشط ومشطيه معاي والماكيرة تقول في خاطرها وحلليلج يا (أم……….) كيف بتتصرفين معاها—- المشكلة الوقت ضيق وما شاء الله كانوا مجموعة من البنات مع العروس وكل وحدة شعرها أطول من الثانية وغير العروس —والحمدلله انتهى اليوم على خير——

هههههههه لا عاد مب لها الدرجة ..

شعري الحمدلله ناعم ويتبطل بسهولة تبارك الله

بس خربت شكله بسبب هاللفات هههه .. يمكن الي ياتج ماشاء الله شعرها خشن شوي .. غير انه ما مشطته يومين بروحها مأساه