السلام عليكم خواتي ……
اليوم المفروض اكون فرحانة لانه قبل خمس وعشرين سنة طلعت لهاي الدنيا …….
بقولكم مشاعري احس بخيبة امل وانكسار ما اعرف ليش بس لي شهر وشي وانا على هالحالة ….
احس اني انظربت عين لأني بعد العيد كنت مستانسة بعدين انقلب كل شىء ……..
وصلت فيني المرحلة اني ما احب ارجع البيت اتأخر بعمد اسوق على الثمانين او مرات على الستين و مرة كنت بسوي حادث لأني كنت امشي بطئ بس الحمدلله الله ستر….
امر صوب المقبرة اقول يا بختكم ما تعرفون النعيم اللي انتوا فيه …. اتمنى انام وربي يختارني ….يعني ببساطة اتمنى اموت …..
الحمدلله انا موظفة واسوق ومرتاحة ماديا بس الفلوس مب كل شىء……
اللي يشوفني يقول يا بختها مبين علي الراحة وما يعرفون اني اتقطع من داخلي…..
رضا الله في رضا الوالدين … وانا يتيمة وامي حاولت ارضيها بس ما اعرف ليش اختارت انها تزاعلني مع انه ما صار شيء ضرابة من بيننا بس حسيتها انها تبى تزاعلني و طلع احساسي صحيح وخليتها على راحتها يمكن لنا شهر وشيء ما نكلم بعض… الله يهدينا ويحنن قلوبنا على بعض….. ما اعرف شو اقول بس هاي فضفضة الستة وعشرين ….
اتمنى من اي وحدة تدخل تدعيلي بالفرج…..
اليوم المفروض اكون فرحانة لانه قبل خمس وعشرين سنة طلعت لهاي الدنيا …….
بقولكم مشاعري احس بخيبة امل وانكسار ما اعرف ليش بس لي شهر وشي وانا على هالحالة ….
احس اني انظربت عين لأني بعد العيد كنت مستانسة بعدين انقلب كل شىء ……..
وصلت فيني المرحلة اني ما احب ارجع البيت اتأخر بعمد اسوق على الثمانين او مرات على الستين و مرة كنت بسوي حادث لأني كنت امشي بطئ بس الحمدلله الله ستر….
امر صوب المقبرة اقول يا بختكم ما تعرفون النعيم اللي انتوا فيه …. اتمنى انام وربي يختارني ….يعني ببساطة اتمنى اموت …..
الحمدلله انا موظفة واسوق ومرتاحة ماديا بس الفلوس مب كل شىء……
اللي يشوفني يقول يا بختها مبين علي الراحة وما يعرفون اني اتقطع من داخلي…..
رضا الله في رضا الوالدين … وانا يتيمة وامي حاولت ارضيها بس ما اعرف ليش اختارت انها تزاعلني مع انه ما صار شيء ضرابة من بيننا بس حسيتها انها تبى تزاعلني و طلع احساسي صحيح وخليتها على راحتها يمكن لنا شهر وشيء ما نكلم بعض… الله يهدينا ويحنن قلوبنا على بعض….. ما اعرف شو اقول بس هاي فضفضة الستة وعشرين ….
اتمنى من اي وحدة تدخل تدعيلي بالفرج…..
الله يوفقج يالغاليه ويفرج همج
الله يفرج همج يارب
ويرزقج بالي تتمنيييه ويخلييلج امج مهماا سوييتي هااي امج وسيري راضيهاا نحن ف اياام مباركه
وخليهاا تدعييلج وبالتوفييق حبووبه
اللهم فرج كربها وفك حزنها يارب وارزقها الزوج الصالح والذرية الصالحة انك على كل شي قدير واصلح من حالها اللهم امييييييييييين
الله ايفرج همج ويرزقج بزوج الصالح ويحنن قلب امج عليج
الله يهديج و يفرج همج يا الغاليه و يهدي قلب امج عليج يا رب و يرزقج الزوج الصالح و الذريه الصالحه عن قريب يا رب
لا تزعلين و لا تشيلين بخاطرج ترى كلنا مرات تمرنا ايام ما ندري شو يستوي فيها كلها حزن و غم و اي شي يضيج بالخاطر
انتي ادعي الله و عساه يسمع منج و يفرح قلبج باللي تتمنينه يا الغاليه
الله يفرج همج يااارب
وعليج بصدقاات
ترى البلاااء عنج وتفرج الهم
وتطهر وتزكي