انا أو الزوجة الثانية!!؟؟ 2024.

صباح الخير…
من البارحة و أنا آكل فعمري و ما أدري شو أسوي… البارحة اتصلت بي صديقتي اللي هي توأم روحي.. كانت منهارة و تصيح … باختصار لأنها اكتشفت إن زوجها متزوج عليها…
هي ما قالت لي هالسالفة من قبل مع أنها عارفة هالموضوع من تقريبا 7 شهور… بس شكلها ما قدرت تتحمل أكثر…
أنا من كثر ما تكلمني عن ريلها و حبه الكبير لها .. كنت أتمنى لو كل الرياييل مثل ريلها… هم متزوجين من أكثر من 10 سنوات و أعمارهم متقاربة (هو اكبر منها ب3 سنوات) و عندهم عيال و عايشين في احسن حال… أنا أعرف صديقتي مش ممكن تكون مقصرة معاه ودايما مجدمتنه على كل شي…
تقول انه ندمان و يحلف لها انه من يوم ما عرفت بالحقيقة و هو قاطع الثانية اللهم انه يسأل عنها بالتيلفون.. يقول نفسه عافتها .. هو يريد يطلق الثانية بس هي ناشبتله و تقوله عادي لا تييني بس لا تطلقني…
انا قلت اعرض عليكم المشكلة … يمكن نلقالها حل…
"سبحانك اللهم و بحمدك . أشهد ان لا اله الا انت. استغفرك و أتوب اليك"

كيييييييييييييف يعني يبا يطلقهااا وهي ناشبتله من الاساس اصلا هو لييييييييش متزوج الصرااحه ربيه يعينهاااا حرمته وامممممممممممممم والصراااحه مادري خليهاااا تفكر في عيالهااااا اكثر ولا تسوي مشاكل مع ريلهااا عشان ماتحلا اليديده في عينه وربيه يصبرهاااا

انا استغرب من الرياييل عنبووووووووووه ماتسدهم وحده….. الله يعينهااا نحن الي ع وشك عرس

اللــه ييسر امرها ويفرج همها ان شاء الله
عليها بقراءة سورة البقرة يوميا في القيام وتطلب ربها

ليش تزوج خلاص بس ماسكين علينا الشرع حلل اربع
مايعرفون انه اللي مايعدل يكون يوم القيامه شقه مايل

لا والمصيبة يكون مقصر على الاولى ويسير ياخذ الثانية

ماقدر اقول يطلق هاذيج حرام
خلها تسير بيت اهلها وتطلب رضوة محترمه تكسر ظهرها وتخليه يحس على دمه

الله يعينها بس في رياييل ما تكفيهم وحده حتى لو حرمته الاولى هب مقصره

خليه تفكر عدل ولا تستعييل حراام عيالها وبيتها لا تخليه للثانيه

الله يعينها