https://forum.uaewomen.net/showthread.php?t=374447
بس أنا خلاص اطلقت .. من كم يوم صارت بينا مشكله وهالمره مد ايده وضربني وكنت معاه اروحي .. بينت له إني خايفه منه وترجيته يرجعني البيت مب عشان شي .. عشان كنت خايفه صدق يسوي فيني شي وأنا معاه فالخلا روحنا وعادي يسوي تهديده ويدفني ..
وكل هذا عشاني اقتنعت بكلام البنات هنيه اللي قالو لي احسن اطلقي عشانه بيستمر يهينج وانا قلتله خلاص ما اقدر اتحمل اكثر ولازم نطلق وزعل وعصب وعقب بين انه مستعد يطلق بس بهداوه ولازم نتفاهم ونهد بعض بدون مشاكل روحنا قبل وانا صدقته ووافقت وطلع جذاب وصار لي صار
يوم ردني البيت على طول ركضت حق اخويه العود وخبرته انه ضربني وكان الضرب اصلا هالمره مبين فيه ولين الحين وسارله اخويه البيت وضربه هو واخواني ضرب جدام اهل فريجهم وخلوه بيزه مايسوا بس الناس ادخلوا وقالولهم انتو عيال عمومه وصارت مشكله كبيره بين ابويه وعمي بس اخويه كان يبا ياخذ حقي حتى قال حق قوم عمي جان بتشتكون علينا اشتكوا ولدكم البادي ومسجات التهديد بالجتل موجوده في مبايل بنتنا .. المشكله كبرت بين عمي وابويه وبعدهم يتسابون .. بس خوات ريلي وايد متفهمات موقفي وواقفات في صفي وشيشوفون انه اخوهم غلطان
الحمدلله انه ماصارلي اكثر عن الضرب والحمدلله افتكيت منه قبل مايطيح الفاس في الراس وانا غلطانه عشاني سكت من البدايه ومشكوره كل وحده نصحتني انفصل عنه ..
ما اعرف شو اقول بس احس اني كنت عايشه في وهم وفقت منه .. والحمدلله
انا بغير النك ما اقدر احدر منه بعد اليوم .. بس بسجل بنك يديد
ادعولي الله يوفقني ويستر عليه .. بس ما اعرف شو اقول صدق ما اعرف شو اقول ..
الله يعوضج باللي احسن عنه مع اني ماقريت موضوعج اللي قبل ..
الحينه بقرااه
ربي يعوضك بالاحسن ان شاء الله
الله يعوضج باللي أحسن منه .. ويصبرج ويصبر قلبج فديتج
والله يهديه هو بعد .. محد يعرف شو فيه ..
…
وربي يبعد أبغض الحلال عن الجميع …
ربي يوووووفقج
اقولج احينه الف مبروك
هذا مب حب هذا ذل وشك وألم
انتشلتي نفسج منه
وربي يحفظ لج ابوج واخوانج
الريل الي ما يسوى نعال لبستيه وما ياز لج وفصختية
ربي يعوضج بأخير منه ويرزرقج