شخباركم خواتي غن شاء الله كلكم بخير
مثل ما قريتو من العنوان أنا بكر وولادتي إن شاء الله الاسبوع الياي
و أبا نصيحة من الامهات المجربات شو لازم اسوي هالفترة يعني كيف استعد للولادة
و بعد شو لازم أسوي بعد الولادة من ناحية الأكل و التمرينات و كل شي
أنا سمعت إن في اعشاب أندونيسية واااااايد مفيدة للمربية اللي تعرف عنها تخبرنا
اترياكم خواتي و لا تحرمونا من إطلالتكم
و إن شاء الله الكل بيستفيد من المعلومات
عليج بالمشي وشربي زعتر وشربي حلبه مع عســـل..وعليج بالقرايه ..
واالله يسهل علييييج..
المشاركة الأصلية كتبت بواسطة الزين كله* 
هيهيهيهيه تعالوا بقولكم زين مانسيت شوفي بعد الولادة ولما بيزورونكم الناس كله خلوا البيبي في حجرة اليهال وقولي حق السستر لا تييبينه والناس موجودين خواتي والله مب زين البيبي تكون ماعنده مناعه والحين وايد منتشر الزكام والكحة فليش يبوسون البيبي وهم مرضى ؟ بعدين تراه البيبي اول ما ينولد يتم كمن يوم متنفخ ومدغدغ فديته مال رصة البطن والناس ما تقول خير وترى بعد كمن يوم بيفش . واممممم استعملوا ضروري الكريم اللي بيعطونكم اياه لتشققات الخلمة وحتى لو ما كانت متشققه برااااااااااااااااااااايه استعملوه لانها تعور وتكون يابسه . وحاولي ترضعين البيبي من الصدرين وطبعا بيكون عليج صعوبة في الايام الاولي ما تعرفين كيف تحطينه بس عقب عادي . لاني بعد الولادي وبما اني كنت ارضعها من الصدر الايمن اكثر لاني والله ما اعرف ايودها عدل عالايسر استوت فيني حمى وقالتلي الدكتورة هالسبب لانه الحليب يتيمع .
نصييييييييييييييييييييييييييييحة خذو الطاولة اللي في بيبي شوب اللي يبدلون عليها البيبي لاني بعد الولادة بإسبوعين تقريبا تميت ما اقدري اقوم عدل من عالشبرية لانه ميته من عوار الظهر وكنت اصيح ولما راجعت الدكتورة وعرفت انب ابدل البيبي عالشبرية مالي جان تقولي ايوااااااااااااااه عشان كدة ظهرج بيوجعك انتي المفروض تستعملي الطرابيزة ههههه بس قهرتني ليش ما نصحتني من قبل انا شعرفني هذي اول مرة وخواتي عادي ماشالله يبدلون عيالهم عالشبرية بس سبحان الله حالات . وشكرا جزيييييلا