خواتي يايتنكم وانا كلي امل انكم ممكن تفيدوني او حتى تسمعون مني وتفهموني هل انا صح ام خطأ
الله يسلمكم انا طالبة خدامة أثيوبية ما كان عندي خبرة او حتى شو اللي لازم يكون متوفر في كل وحدة
المهم دخلت المكتب واخترت وحدة اثيوبية مسلمة زوجي اللي طلب اثيوبية لأن الكل في عايلتهم عندهم أثيوبيات
المهم شفت وحدة واخترتها وسوينا الفيزا وبعد كم يوم اتصل فيني المكتب انها وصلت
في نفس اليوم رحت كملت باقي اغراض غرفتها وخذتها من المكتب
لا عربي تفهم ولا انجليزي
الله يسلمكم كلللللللللله بالاشارات حتى نص الاشارات ما تفهمها
اقولها سليب نامي ما تفهم اقولها حمام اتسبحي أأشرلها ما تفهم
خليتها تطلع اغراضها مب يايبة شي معها ولا حتى ملابس داخلية
سرت الحمام وفتحتلها الماي يعني تفهم انه تتسبح
ويوم طلعت بندت الماي وما ادري شو سوت وبعد شوي طلعت تسبحت ما تسبحت انا ما ادري المهم وديتها السوق وسبحان الله كيف فهمت على راعي المحل واختارات الأشياء انا ما ادري وفي البيت ما تفهم سبحان الله المخ والفهم ايي وقت ما تبا
سرنا البيت وقلتلها نامي اشرتلها عن النوم
و سرت انا الغرفة
الصبح الساعة 6.30 قايمة وفتحت الباب وتبا تدخل واحنا نايمين انا وزوجي
زوجي مسكييين ارتعب قالها لو سمحتي وين رايحة
وطبعا هي ما تفهم
قمت انا بسرعة وقلتلها شو في راوتني انها غاسلة الصحون في المطبخ بس بالماي بدون صابون ولا شي ولا حتى نظفته بالاسفنج
المهم قلت خلاص بقوم بعلمها
قلتلها نظفي الطاولات اللي في المطبخ ما تعرف المهم انا نظفت وراويتها كيف
وكل الشغل تقريبا اانا سويته
تعرفون حتى الأدوات ما تعرف تستخدمها الا حتى انا اراويها واعيد من ورااها
كل الشغل
احسها مب هبلة بس تستهبل يعني خذتها على الطب الوقائي علشان الفحص فااهمة كللللل شي
ليش في البيت ما تفهم ما ادري احسها تستهبل علشان ما تشتغل وكل شي تطوول فيه والنتيجة ما يكون نظيف
وبعدين انا اصلا يايبة الخادمة علشان تساعدني تدور ورا البنت في البيت
لاني حامل وما اقدر اتم وراها
وهي حتى ابتسامة ما تبتسم لبنتي يوم تشوفها اعطيها اياها تنزلها على الأرض
حتى خليتها في حظنها في السيارة ابدا البنت تصيح وهاي ما تسوي شي
وخليتها في حظني وانا اسوق لين ما وصلنا البيت
غير ان بنتي تخاف من شكلها (اللهم لا شماته ) ولا تلعبها ولا حتى مستعدة تمسكها لو تشوفها تصيح ابدا ما يحن قلبها
وكانت يالسة مرة وحطيتلها صحن بطاطا مقلية تاكل بالاتيكيت وريل على ريل ؟؟؟
احترت فيها هل هي هبلة ؟؟ ام تستهبل ؟؟
تسوي عمرها ما تفهم لا عربي ولا انجليزي
وفي المحل راعي المحل يكلمها انجليزي وتفهم وتختار ؟؟؟
يوم اتكلم مع امي او خواتي تيلس تتسمع كأنها تفهم وتحط في التليفزيون قناة مصر او مسلسلات مصرية ؟؟؟
في الطب الوقائي شفت وحدة اثيوبية قلتلها كلميها هاي اثيوبية مثلج تعرفون انها حتى ما ردت عليها هاييج المسكينة تكلمها وهاي ما ترد يعن المفروض انها متغربة ما تصصدق تشوف حد من جنسيتها حد مب غرييب انا والله اسغربت منها
والحين كل ما اشوفها اييني اكتئاب
انا قلت خلاص ما اباها قبل ما اسوي الاقامة بردها تعبانة نفسيتي كل ما اشوفها نظراتها تخوفني ؟؟ والله راسي عورني من التفكير
احاول افسر شو سر حركاتها ليش تستهبل ؟ ليش ما تبذل مجهود انها تشتغل علشان تقتعني ؟؟
حركتها بطييئة واحسها تعبانة مكسرة مع انها بنت بعدها عمرها 24 ومب متزوجة ؟؟
فهموني هل الأحسن لي اني ارجعها من مكان ما جت ؟؟ او اصبر عليها ؟
وانصحوني اذا ببدلها شو البديل الأحسن ؟
وشو المواصفات اللي لازم اطلبها وادور عليها في الخادمة ؟؟
افيدوني وريحوني وريحو راسي من التفكير
ولكم جزيل الشكر
ترا ما عليج منها ما خذه دروس في الاستهبال قبل لا تيي و ابصم لج عندها ارقام تلفونات لناس في البلاد و بتشرد . 90 بالميو من الاثيوبيات و احيانا الفلبينيات يسوون هالطريقة .
و لهالسبب ما اهتمت تكلم خدامة اثيوبية مدام عندها ربعها في البلاد اللي بيشغلونها
هذا و الله اعلم بس من تجربتي الخاصة مع الاثيوبيات شردة و دعارة مستحيل افكر فيهم خص دفاشتهم و اجرامهم
والله أني حاس فيش ياأختي أحسن ليش وديه المكتب بس انا عارفه شو بيقولش راعي اصبري عليها اشويه لين تتعلم بس اخذيها نصيحه من اختش هي تتستهبل ولاتريد تشتغل ورجعيها
وحليلهاا حتى ولدي اتسبحه واتغيرله من دون ما اقلهاا واتفاجأ بالي اتسويه .. حتى العصر انش وهي مسويه فطائر او كيك واو اي شي من دون ما اقلهاا .. حتى اكلهاا ماكانت تاكل كل شي اتقله ماتعرفه غير البطاطا والعيش . لكن الحين تاكل كل شي الحمدلله
وهي صحيح مسيحيه .. بس قايلتلهاا طلعه بدون عباه مافي يلسه فالبيت من دون شيله مافي .. لبس بناطيل مافي
.. طلعه من باب الحوش مافي وحليلهاا ماتقول لا بالرغم انهاا مسيحيه
ماعمري ما شكيت منهاا لا انا ولا خالتي قمه بالادب والنظافه .. الحمدلله الحمدلله الحمدلله
يعني اختي انتي اتربينهاا واتعلمينهاا كل شي .. وقبل كل شي اذا حنيتي عليهاا وعاملتيهاا بالطيب لانهم حرااااااام ضعااااف .. بتعطيج كل شي وبتشتغل من قلبهاا …
بس حنا جربنا الصوماليه كله رمسه بالتيلفون وكل شوي تبا تطلع ومانفعت . جربنا الاندنوسيه ماتستحي عيني عينج اتقول تبا تزوج ومره قالت بتسير المكتب بتيب رساله اكتشفت انهاا سارت دبي وانا كنت منومه فالمستشفى
مانفعت جربنا الفلبينيه العجب بعد مانفعت كله تشرط ومايعيبهاا العجب .. وماتطبخ ولايخصلهاا تحترق الطبخه وهي يالسه تطالع
وهاي الحمد لله …
بس نصيحه كوني صارمه وياهاا فالبدايه وعلميهاا الصح من الغلط وسالفه دشت غرفتكم ونتم نيام غريبه لووووول شو تبا
واحسن شي اتسوينه تودينها المكتب وتقولين لهم غيروها لي
اشمعنا عرفة تشتري بس في البيت لا
امي اصلن حتى لو ماكانت تفهم اكيد تعرف تنضف بيتها في بلادها
من اخرتها وديها المكتب ولا تستحملينها اكثر من جي
والله يكون في عوووووووووووووونج