شخباركم ،، بخبركم بدون تفاصيل لانها خااصة اشوي ،، صار بيني وبين ريلي نقاش ورمسة على سالفة واحتد النقاش ومحد فينا غلطاان بس ان الموضوع تطور اشوي الى كلام يغث ،، وقرر انه ما يرمسني وانا ما عيبني هالتصرف لاني هب غلطانه وحتى لو ما يكون التفاهم بهاي الطريقة طبعاا هو برر المقاطعة عسب ناخذ اجاازة وخرابيط ولين ما ترتاح اعصابنا ونهداا اوكي ،،، على فكررة يمكن يعند ويطول وهو ما يرمسني ( هو مسافر ما اقدر اكلمه الا بالتلفون واذا هو اتصل بس لاني اذا اتصلت ما بيرد علي ومسجاات ما اقدر اطرش لانها ما بتوصله الخط ارضي مش موبايل ) شو الحل مع هالتصرف لو عندكن شي او وحدة مرت بجذا موقف تخبرني بلييز بنااات وشاكرة لكم
حبيبتي خليه على راحته وطنشيه شوية لين ما يرد وانتي اشغلي نفسج بأشياء ثانية عشان ما تفكرين فيه عشان ترتاحين لأ ن الرياييل ما يحبون الحنة ولا المراءة اللي تركض وتعق عمرها عليه فخليج ثجيله لين ما هو يحس ومثل ما قالج خذو اجازة من بعض شوية عشان النفوس تهدأ .
ررررررررررررررفع
ما دام قالج نخذها اجازه اهتمي بنفسج وعيالج وحاول تفكرين في اشياء ثانيه لان هو قاعد هناك مرتاح وانتي تحرقين في اعصابج قوي علاقتج بربج واهلج حاولي تغيرين من نفسج يو يوصل يحس بتغير من ناحيه الشكل والنفسيه يو تهدون فاتحيه في الموضوع من دون ما تغلطون على بعض …….
الدنيا ما تسوى عشان نعصب ونزعل صدقيني اذا تغيرتي هو بيسالج شو اللي يرضيج ………
حبووبة طنشيه دامه ما يدر عليج ما ادري ليش حارقة اعصابج
اهتمي بنفسج وبعيالج و بيرد يتصل فيج طبعا لانه بيسأل نفسها شو سالفتها لا دقت ولا طرشت مسجات
اختي ما يستوي انتي تشدين وهو يشد مثل ما يقولون الحبل بينقطع …. لازم فيه طرف يرخي
الله يهديج دائما وانتوا معصبين ما راح تتفاهمون ولا راح تقدرون تحلون مشاكلكم ..
الله يهديج دائما وانتوا معصبين ما راح تتفاهمون ولا راح تقدرون تحلون مشاكلكم ..
نصيحتي حتى لو هو غلطان اتصلي انتي ودايما كوني الاحسن واعتذري خاصة انه مسافر وبعيد عنج وترا رضا الله من رضا زوجج عليج
والله يهديكم
قالج خلنا ناخذ اجازه وسافر بروووحه ؟
صح اللي فهمته ولا لا
صح اللي فهمته ولا لا