السلام عليكم خواتي
بعد اسابيع باذن الله مسافره المانيا
وانا عاده اسافر اوروبا في الصيف … ولا مره سرتلها في الشتاء و الخريف..ومب عارفه شو البس للبرد!! وانا من النوع الي واااايد ابرد..
عشان جذيه اباكم تساعدوني وتخبروني شو ممكن البس..
هل ينفع تنوره ولا ببرد؟
لازم بنطلون ؟ ولا تحت التنوره ليقنقز مثلا؟؟
ما ادري كيف اتصرف ..لازم اسير اتشرى باسرع وقت !!
النجده!
أجربي تبحثي في المنتدى بيطلع لك مواضيع قديمه للـأخوات عن اللبس تفضلي هذا احدهم
شكرا بس انا سؤالي عن التنوره و البنطلون
لاني بسافر مع اخويه وهو ما يعيبه نلبس بناطلين..وفي الشتاء صعب تلبسين تنوره!
محتاره شو اسوي!
البسي بنطلون جنز وتحته ليقنيز او في ماركس سبنسر سيبيعون ملابس داخليه بنطلون للبرد وفوق لبسي بالطو طويل ؟
لا إله إلا أنت سبحانك إني كنت من الظالمين
شهر 10 لبست تنوره حق الكشخه ما كملت نص ساعه رديت الفندق بدلتها لانه التنوره من تحت ادخل الهوا تبردين اكثر
الا اذا بتلبسين تحتها القطن مال الشتاء لان حتى الليقنز ما يدفي في شتاء اوروبا
اذكر اختي تلبس جينز وتحته ليقنز بس نحن سرنا في عز الشتاء شهر 1
وبتحصلين في كذا محل الكوت الطويل الي اقصر من العباه بشوي
اخوي وعمتي وبناتها هناك ويقولون وااااايد برررررد
ومجمديين ع الاخر
نصيحتي شلي كل شي غليييظ