حريم انا قصتي مع بشكارتي قصة غريبة
انا عندي طيور وحيوانات بالبيت مثل الدياي والبط وحمام
وهذي البشكارة الاندونسية هي تحط ليهم الاكل ومرات تنظف عنهم اكثر شي انا اطعمه والمشكلة اول شهر ياتني اختفت من عندي بطة
وانا ماهمني البطة كثر مامستغربة من الموضوع وكيف اختفت البطة المهم سالت جيراني اذا الولد الي يسرق البيوت موجود ولا لا لاني خايفة يكون داخل بيتي المهم هم قالوا انه من شهر وشي الولد راح منطقة ثانيه المهم السالفة ماراحت من بالي وانا شاكه بموضوع البطة
ولما اكلم البشكارة بالموضوووع ع طول تقول والله العظيم ماانا وبعد كم يوم شفت ريولات وحدة من البط مربوطة ريولاتها بخيط مال الخياطة
ريول وحدة مربوطة من فوق لين تحت والثانية بعد وانا مسكت البطة وشليت الخيط من اريولتها وكان مغروز داخل ورحت افتش بالخيوط الي عندي وشفت نفس الخيط الي معي واجهتها وتمت تبكي وتحلف بالله كذب وخبرت ريلي بالموضوع وريلي واجهه وهددها بالشرطة وعترفت وقالت انا الي قتلت البطة وانا الي ربطت البطة الثانية علشان زعلانة من زوجي ونريد انوديها المكتب وكانت اجازه وصبرنا عليها وقال ريلي بنخليها يمكن تتغير هذا كان قبل 3 شهور وقبل رمضان طلعت انا وعيالي كلنا ورحنا ولما رديت شفت وحدة البط تعبانة وتركض منا ومناك نفس الخيفانة وانا وديتها العيادة وبعد يومين مات كانها كانت مضروبة وبعد رمضان الا هو اليوم نفس الشي طلعت انا وعيالي وبعد ساعة رديت البيت وشفت واحد من البط يرتجف وكان رقبته مكسور ومات بعد نص ساعة وانا مستغربة من موضوع هي كله تقتل الزكور من البط وخاصة وقت تزاوج البط تحطي عينها ع الزكر وبعد فترة تقتله كانها تغار وكله تقول هذا البط الزكر كله يروح مع البطات وبعد فترة تقتله واليوم خلاص نفذ صبري واجهتها وقلت ليها خلاص انا بوديج الشرطة لان حرام هذيلا حيوانات انتي ماتخافي الله وتمت تبكي وتمثل وتقول انا اقول اكيد انتي بتقولي انا الي قتلتها
انا خوف من الله وانا اول ماقتلت البطة ولا ربطته وانا كنت اكذب علشان ماتوديني الشرطة وانا انصدمت من قوه عينها وكذبها الحقيرة عيل من الي ربط ريولات البط جني والله بنات تعبتني هالبشكارة وعورت لي راسي ويبت ليها بشكارة وحدة ثانية مال جيرانا تكلمها نها تقول الصدق انها ليش اتسوي كذا وهي مصره ع كلامها الكذابة وترى هي اكبر كذابه ع اي شي تكذب وضميرها ميت يعني تشتغل من دون ضمير عيزت من اكلمها وماشي نظافة …بشو تنصحوني ؟؟؟ وحد مر بهالتجربة مع بشكارته تازي وتقتل الحيوانات
يعني اذا الواحد حس ان العامل مايفيده وصبر عليه وبعدين مافي فايده
او مارتاح له وحس عليه حركات وجي
خلاص يطلعه من الشغل الارزاق بيد رب العالمين وانتو تقولون انها دووووم تكذب
عرفتي علي
وبالنسبه لمكتب الخدمه خبروه اي حجه عنها عشان بس ماينقطع رزقها وجي او يسفرونها
ودورو وحده تكون ثقيله شوي
وثاني شي هذي القصه حلوه
تغار من البط
(يمكن هي ضد تكاثر البط عشان مايسوي زحمه عندكم في البيت)
يمكن فيها حاله نفسيه تحطها في البط زين مب فيك انتي
بس اختي كيف تربون بط في البيت مب ممنوع !
بس في حال هي شغلها زين بس هي مشكلة هل بط
مااعرف مثل ماقالت الاخت حطو كميرة مراقبه وخلاص
بس اذا في كل الاحوال مب مرتاحين خلاص الصراحه راحه طلعوها
وخلاص
سفريهاا و افتكي تقولين مش نظيفه بعد !! شو تبين فيها ..
سفريها شتبين فيها
المشاركة الأصلية كتبت بواسطة روح.الامارات 
سفريهاا و افتكي تقولين مش نظيفه بعد !! شو تبين فيها ..
أخاف تسوي سحر. عيل ليش رابطة ريول البطة بخيط