انا مفكره ايي دبي 4 ايام اخر شهر ابريل وابي تعطوني فنادق زينه ومافيها سوالف واسعارها معقوله!! استفسار ثاني انا لقيت فندق وايد زين وسعره حلو و5 نجوم المشكله انه براس الخيمه اسمه فندق الحمرا بس بعرف شكثر بعيده راس الخيمه؟؟ لاني انا كل يوم بروح دبي لانه دبي كل شي فيها. بليييز ساعدوني وقولولي انا ولا عمري رحت دبي ولا ادري شي !! لا تعطوني طاف بليييييييييييييييييييييييييز
يعني آخر الامارات.. ويبيلج من راس الخيمه لين الشارجه ساعه ونص.. ولين دبي.. مع الزحمه يمكن ساعتين ونص
خليج في الشارجه وايد اقرب.. ومافيها سوالف.. فنادقها نظيفة.. لا بارات و لا مراقص..
ممكن تسكنين في دبي في بارك حياة حلو وجديد.. بتكونين قريبه من وافي.. وستي سنتر.. وجراند حياة.. وسينما جراند
بخصوص فنادق الشارجه… فندق ميلينيوم.. فندق هوليدي إن.. يمكن 4 نجوم مادري..
راديسون ساس.. وععععععععع لو كلاس ماحبيته ابد…
البستان روتانا شارع العروبة.. في الشارجه بتكونين حذال السوق القديم..
وها صورة الغرف
دبي فنادقها 5 نجوم غاليه فوق 1000
اذا تبين 4 نجوم ونظيفه
1-فندق رمادا كونتينينتال 4 نجوم غرفه ديلوكس مفرده او مزدوجه 750 درهم بدون الافطار
2-فندق دبي جراند 4 نجوم غرفه عاديه مفرده او مزدوجه 595 درهم بدون الافطار
فندق قلعة الحمرا في راس الخيمة يبعد تقريبا ساعه الا ربع عن الشارجة اذا تحبين البر ممكن تسكنين هناك بس اذا تبين دبي بيكون بعيد عليج
من الفنادق الاوكي في دبي فندق فيرمونت وشانغريلا وابراج الامارات وكلهم بشارع الشيخ زايد وسمعت انه يسوون خصم لدول مجلس التعاون يعني بيطلع لكم ارخص عنا وخاصة بفترة المهرجان بس انتو اتأكدوا بعد
ما انصحج تسكنين في راس الخيمه لانها بعيده
بس ليش ما اتيين الحينه …
الجو رووعه .. وخاصه اذا فكرتي اتيين راس الخيمه تعالي عوافي تخبببببل ..
والبنات فديتهن ما قصروا وعطوج فنادق حلوة واااايد ..
وفي بعد فنااادق تجنننننننننننن .. بس وااايد غاليه ..
وحياااج الله يالغلا