خواتي بنات الكويت انا بزور الكويت وياليت تساعدوني شو الاماكن الي اقدر اروحلهن وشو المحلات والمولات للشوبنج وبأي فندق تنصحوني أنزل ^___^
أترياكم يعلني ما خلى منكم
ياليت تعطوني اسم فندق راقي وكشخه
أماكن للترفيه
اسامي محلات اطفال كشخه" بنوته "
محلات حريمي كشخه
مولات
واترياااااااكم
للرفع
في عندج ( المارينا مول في السالميه – وعند سوق شرق – مجمع الفنار – وعندج بعد يا طويلة العمل – كويت ماجيك في الفحيحيل )
الرايا ( في الكويت بعد ) راقي جدا وفي بعد فندق داخله
مجمع المثنى في مدينة الكويت ( والأهم الأهم ولا ننساه واللي معروف في الكويت ومستوى الكويت كله ( مجمع الصالحية ) وبنفس المجمع في فندق الماريوت راح تحبيه ( في ارقى المحلات )
وعندج بعد مجمع المهلب – وجمع بيروت ( في منطقة حولي ) كل اللي تريدينه راح تلاقينه في المجمعات هذيله
والله عندي وايد وايد وايد
انا حافظه الكويت شبر شبر
الكويت حبيبة قلبي
اذا اتذكرت راح اخبرج او اذا عندج اي استفسار انا اساعدج
في المدينة الترفيهية ( في منطقة اسمها الدوحه في الكويت ) وهذي المدينة روعه
وحديقة الشعب بميدان حولي ومايقارب بعد الشعب
بالنسبه للفندق انصحج بفندق المارينا بالسالميه وايد حلو وهو بجانب المارينا مول
والمولات الحلوه بالكويت :
الأفينيوز ( أكبر مول بالكويت وفيه محلات وايد وايد حلوه وراقيه )
مجمع الرايه
المارينا مول
سوق شرق
مجمع الصالحيه
مجمع الأوقاف / مجمع العربيد ( فقط للدراريع )
ولا تنسين تزورين ( المركز العلمي ) وفيه قاعه اسمها ( الأكواريوم ) وهي أول قاعه للكائنات البحريه بالشرق الوسط ، بس سمعت ان افتحوا مثلها في ( دبي مول )
بس لي عودةة…