بنات اللي راحوا شاطئ جميرا يوم الحريم 2024.

السلام عليكم
بنات حابه اسئلكم عن بحر جميرا يوم حريم
ابا اعرف شي هناك يأجرون جت سكي او بنانا بوت اومن هالاشياء
ويقولون انه في حديقه هناك عدال البحر هالحديقه مافيها مسبح خاص حق الحريم ؟

انا اروح شاطئ جميرا بس حق نادي دبي للسيدات
و ما ياجرون و لاشي لانه صغيرة المساحة مب كبيرة

سوال نادي دبي لسيدات كم رسوم دخول البحر أو النادي

الصراااحه انا مره سرت شاطئ جميرا وكان للحريم ..
صحح استانسنا بس يامكثر البويااااات اللي يلوعون بالجبد ..
حسيت عمري انيً بين اولاد والله ،،

والشي الثاني اللي انقهرت منه .. >> يوم خلصنا سباحه وبدلنا ملابسنا سرنا صوب السياره وقلنا هناك بنلبس العباه والشيله عشان مانتوصخ فالحماملت لان الباركنات داااخل مجابل المطعم اللي هناك ..

بس اتخيلوا ونحن سايرين صوبً السياره واتلبسنا وخلصنا والحين بنشغل السياره جان انشوف دوريه الشرطه .. والله صددددددمه مابعدهاا صدددمه ..

كييف اللي عالبوابه دخلووهم والمكان خاص بالحريم واللي فالدويه يتطالعون يمين ويسار ويتضحكوون داشين يتطمشوون .. اصلاا كيييف سمحهوولهم يددخلون البوابه والبنات بملابس السبااحه ..!!!!!

اتحركنا نحن وكنا بناخذ رقم الدوريه عشان نشتكي عليهم بس ماقدرنا نلحقهم .. لان اللي عالبوابه ربعهم لو مب ربعهم جان مادخلوهم وخلوهم يشوفوون عرض النااس.. وقبل لاندخل السياره داخل واحد من اللي عالبوابه يا وفتش فالسياره عشان يتآكد ان ماشي اولاد ويانا او يهال اتعدوا السن اللي حاطينه .. ف كيف يسمحوون لهم يدخلون ..

والله قههههررر مكان خاص فالحريم كيف دخلوا !!! ويضحكوون ومايعرفون وين يتطالعون مت كثر البنات ،،،

من حزتها صرت ما آآمن على عمريً واسير هالاماكن ،،

اوييييييييييييه

بس بعد اختي حتى لو ماقدرتي تاخذين رقم الدوريه عسب تشتكين .. عالاقل اشتكي ف ادارة المكان على اللي حاطينهم فالبوابه .. حراااااااااااام والله هاللي يستوي

ما شي هالأشياء في حديقة شاطىء الجميرا (جت سكي وبنانا بوت)..ولا مسبح…حديقة مشرف فيها مسبح..اثنين منفصلين…للرجال والنساء..وطبعا الأطفال..الأحسن الوحدة تلبس ملابسها داخل عند البحر لأنه برا عند الباركنج مكشوف…وفعلا البويات شي مقزز…انصدمت أول مرة سرت (كان صار لي سنين مب سايرة هناك) ونا زمان متخرجة من المدرسة ما كان ع زمني بويات بهالشكل…انصدمت صدمة عمري بتحول هالجيل…الحمد لله الذي عافانا مما ابتلى به كثيرا من الناس وفضلنا على كثير ممن خلق تفضيلا

مايا على بالناا ان نشتكي فالاداراه بس اختي قالت انا الحينه برد عند البوابه وبتضارب وياهم .. عشان ربعهم يدخلونهم !!
قلتلها لو اشتكيتي بيتستروون عالسالفه لان ربعهم ..