بنات جامعة الامارات حياكن , , 2024.

سلام عليكم ,

أخيرا طرشوا مسجات القبول والحمدلله
المشكلة احينه اني كنت مختارة كلية القانون وقبلوني فالقانون
وانا ودي اغير احينه بس كيف يعني ؟
هم قالوا بيفتحون موقع نابو بس متى يعني ,
ويستوي اتصل عليهم ويغيرون لي ؟
ولا لازم لما نسير هناك وندرس اقدم ع طلب نقل ؟
ويستوي اغير من قانون إلى أي تي ؟؟
أبا رد بأسرع وقت ممكن , ,
عاد المشاهدات توصل 20000 وماشي غير رد واحد ,
مايصير جي عاد ,
والي يقرا ومايعرف او يعرف حد يعرف هالشي يساله ويرد علي خبر
لاني جد متازمه احس سالفه, ,
وشكرا ,

دقي عليهم واستفسري أحسن ؛)

صح اذا تبين الجواب الصح احسن اساليهم
بس نصيحتي لج تمي في القانون الاي تي ماله مستقبل وايد

انا سألت وحده كانت دارسة وتخرجت من هناك ,
وقالت ان القانون أي حد يقدر يدشه يعني انا خريجة علمي يعني ,
بس عادي عندي قانون ولا أي تي مافرقت , احب الاثنين وخاطري فالاثنين
وقالت لي امن المعلومات مطلوب ف كل مكان ,
ومادري الصراحه , كلام الناس ماتودي ولا تيب باجر انا اتخصص وانا الي ما يعيبني
بس التخصصين ماعليهم كلام وشفت لستة المقبولين فالجامعه
يعني اقل شي كان أي تي , واكثر شي العلوم الانسانيه وبزنس و طب وقانون
مادري الصراحه كل حد يقول شي ,
بشوف يوم الاحد بتصل عليهم وبشوف

موفقه

حبيبتي ، آلحين مآ ييصير تغيرين ..
بس يصير تغيرين مستقبلآً .. لكن آعتقد آن قبلهآ لآزم تنجزين عدد ساعات معينة، ومعدلج آلترآكمي يكون وآصل للمعدل آلمطلوب
يعني في شروط لآزم تسوينهآ قبل لآ تنقلين من كلية آلقآنون لـلـ آي تي ..

آول مآ آدآومين آن شـآء آلله روحي لآرشآد كلية آلقآنون وهم بيخبرونج شو لآزم تسوين ..

وترى آلتخصصين حلوين .. بس نصيحتي لج آستخيري قبل لآ تحولين من كلية لكليه ثآنيه ..

موفقه يآ رب ..

القانون كثير حفظ وبعد ذكاء

الاي تي يحتاج منطق وذكاء بعيدا عن حفظ الارقام فقط

هههههههههه الله يوفقكم يارب