وثاني شي بالنسبه للخدامه بقولج الي انا سويته … اول ماوصلت خدامتي شفت طولها كيف وجسمها لانه احيانا فالورقه يغشونج خخخخ
رحت بروحي وخذت الها 4 يونيفورم و4 من الحجابات الاسلاميه وشامبو ومعجون وفازلين وادوات نظافه (فاهمه قصدي خخ)
يعني الي خذته لها يسدها لين كمن شهر وخبرتها من تستلم راتبها تاخذ الها الي تريده من معاشها لانها مب معرسه وماتصرف على عيال وبيت
وتستلم 1000
وعلمتها تطبخ لاني اداوم وارد البيت الساعه 3 الظهر اريد لقمتي جاهزه .. وتنش الصبح الساعه 6 وترقد الظهر ساعه
والليل على حسب متى انا ارقد وماعندها شي اخليها ترقد
انتي خليها تنش الساعه 6 ونص اذا ماتداومين وعيالج مايروحون المدارس
وتنظف وتغسل الملابس وتساعدج فالطباخ …
وانا عندي ولد عمره سنه و10 شهور اخليه عندهاا يوم اروح الدوام وهو متعود عليها لاني يبتها وهو عمره شهرين
واذا حسيتي انج ارتحتي لها خلي عيالج عندها في مشاويرج السريعه لانه ماشااء الله 3 مابترومين تسيطرين عليهم بروحج وخصوصا
اذا رحتي المستشفى او السوق ><
وسووري طولت عليج هههههه
و سبحان الله قلت يمكن مالها رزق عندي و عقبها كينية كانت كل شيء اوكي و عيالي يحبونها بس كانت وصخة و جذابة ما تنظف و تقولج نظفت ووايد وصخة وريحتها و ريحة غرفتها تلوع الجبد رمستها جم من مره تتسبح و اشتي لها شاميو و جل و حتى ديودرنت و عطر و تقولي لا انا ما استخدم شامبو اونه بس صابون يايبتنه من كينيا 
و طبعا ما صبرت عليها و ديتها المكتب و عقبها يبت اندونيسية وللحين عندي زينة و نظيفة و شايلة البيت بس ل ضرابتي وياها ع التلفون ادمانها تلفون بس و محددة لها جدول تنش ساعة 7 تسوي كوي و تحط الغسيل و تجهز الريوق و تبتدي تنظف الغرف يوم ننش و تنظف الحمامات و المواعين و مرات اطبخ انا و في الاغلب هي و عندها من الساعة 3 العصر لين 5 و نصف راحة ترقد و في الليل من الساعة 10 او 1 ما في شي تسير ترقد و الله يهديها و يسخرها لي و اول ما توصل بشكارتج اقري الدعاء و فهميها القواعد تبي أي شيء ترمسج انتي و ما تلبس شيء قصير او مخصر و انه ممنوع تضرب او تصارخ على بيبي و مممنوع تتعرفلي على راعي البقالة او الدوبي او غيره ممنوع تلبس لبسح … و لبس الخدم شي في الجمعيات تحصلينالمهم انا بعد عندي ثلاث عيال وحامل
من اول يوم خبرتها تقوم الصبح الساعة ست ونص تنظف البيت كامل وخبرتها اذا انا موجودة ما تمسك عيالي ابدا ولا تغسلهم ولا تسويلهم شي بس اذا خلصت شغلها تيلس تلعب وياهم عادي
وتحت مراقبتي طبعا
الطباخ ما تسوي شي انا احب اطبخ واسوي العشى
وعادي اختي اذا عندج موعد فمستشفى او شي خليها مع العيال واستودعيهم رب العالمين قبل لا تطلعين وبس تخلص شغلها فالليل وعيالج نايمين خليها ترقد
انا اخليها تنام الساعة تسع فالليل بعد ما يرقدون عيالي وتخلص شغلها لأني ما احتاجها
هي بعد مسكينة تتعب من تقوم الصبح وهي تشتغل وما تقيل الظهر
السموحة ع الاطالة بس انشالله تستفادين من اللي كتبته وانشالله تطلع خدامتج زينة وما تلعوزج والله يحفظ عيالنا
اولا بنظري ارفي شو ديانتها يعني لاتفرضين عليها تغطي شعرها عسب ماتكرهج اذا ماكانت هذي عقيدتها
ثاني شي اذا كنتي بتوعينها 6 الصبح خليها ترقد الساعة تسع بالليل بالاول والاخير هي انسان ومحتاجة ترتاح
وبالاخير عيالج ثم عيالج ثم عيالج
اي شي ثاني تقدوين تخلينها تاخذ مسؤوليته الا عيالج هاي مسؤوليتج وانتي تبغين تربينهم على عاداتج وتقاليدج
والله يجعلهم ذرية صالحة