بنات ربيعتي مالجه وريلها يضربها !! 2024.

السلام عليكم ورحمة الله وبركاته

ربيعتي انسانه خلوقه وحبوبه .. الكل يحبهااا من ربيعاتي .. امها وابوها منفصلين واخوانها على قد حالهم ..
هي ملجت من 7 شهور وريلها يحبها موت بس مشكلته عصبي ويغااار عليها واايد ..

المشكله صارت يوم بدأ يمد ايده عليها .. والله يابنات تيي اليوم الثاني الكليه اشوف كدمات على ويهها وتقول لي شي علامات على مختلف جسمها .. والله حراااام نحن تخرجنا من كمن شهر واتخيلوا لليوم هو الشخص المهم عندها .. ماسارت تدور وظيفه تقول بعدين كل مجابلتنه تطبخ له وتهتم فيه وعشانه لبست الغشوة وغيرت واايد اشياء.

هو لاعب كمال اجسام ..جسمه قوي وهي ضعيفه ..الرياال واايد يضربها على اتفه الاسباب وعقب ايي البيت يترجاها ان تكلمه .. تعرفون فوق العشرين مرة ضاربها وهي تقول ماابا اطلع مشاكلي لأهلي مع انها ماتكون مسويه شي وهذا اللي قاهرني ..

يمنعها تطلع مع اهلها حتى مع اختها ..تخيلتوا؟؟؟؟؟؟؟ مع ان اختها متزوجه وبعد انسانه خلوقه

واخر مرة يوم عرف انها طلعت مع اهلها ضربها ضرررب كسر عظمها مااظن انها تروم تتحرك بعد هالضرب .. اتصلت فيني تصيح تقول خلاص مااباه بس هو مابيخليني .. قلت لها كلمي اهلج ووقفيه عند حده بس ماعرفت شو اقول انا بروحي قلبي عورني عليها ..

البنت غلقت تلفونها .. الله يستر بس انا مااقدر اقول لها ان الطلاق هو الحل ماابا اتدخل لان مااعرف اتصرف في هذي المواقف .. واكييد اذا اترجاها وردت بعد بيضربها ..

بنات ادعوا لها ان الله يكتب لها كل خير ويبعد عنها كل سوء .

عطوني حل

ما فهمت مالجه ولا معرسه !!

اذا مالجه كيف يتجرأ اي بيتهم ويضربها وين اخوااانها؟؟؟؟!!!

الله ييعينها ،،، ويفرج همها ،،
وبعدين اذا هي بس ملجة وبعدهم ما عرسوا يعني في أمل أنها تفتح صفحة يديدة بأقل الخسائر ،،،
باجر يعلم الله عادي يجتلها بضربه وحده..!

حاول تتصلين فيها ، واذا ما سمعتي شي عنها تنشدي عند أهلها عن أخبارها ، عل وعسى خير ،،
وبعدين أنا مستغربة كيف أهلها ما يجوفون الكدمات وما يرمسون!!!

الله المستعان ،،،

يالغاليه مالجه .. يضربها في الميلس.. والميلس يكون في الحوش منفصل عن البيت ..

مرات يوم مااتيي يتم يضارخ بالموبايل ويسوي زوبعه .. كذا مره سمعوه يصرخ بس هي ماتقول

ملاحظة : الريال وايد مدلعنها ومامقصر معاها بشي من حب وحنان واهتمام وهدايا ..

كم مرة قالت لي انا ماباه يضربني. هذي الاشياء ماتهمني ..

وتقول لانه يحبها وتحبه هي ماتخبر اهلها .. بس تعبت من الضرب خلااااص تحس نفسها مهانة

لا اله الا الله00 حبيبتي هذاا مريض نفسي

واذا كاان هذاا اولهاا ينعااف تاالهااا 00تخبر اهلهااا وهي توهاا ع البر

وقبل ماا يكسرهاا ويسويلهاا عااهه مستديمه حبوبة

الرياال الي يمد يده ع حرمة ماا يعتبر رياال و مخه في عضلاااته

الله ايسر امورهاا ويبعد عنهاا كل شر ياارب