اشحالكم بنات وعساكم بخير
خواتي انا محتاره
ابغي اغير غرفتي كلها يعني ابدل السرير والستاير و احط ورق جران
البارحه قلت باسير مول الامارات اطالع الاثاث
سرت هوم سنتر ,,, حسيت الكوالتي مال الكبتات مب لين هناك وبعض المعروضات بصراحه فيهم عيوب!! واسعارهم ما تستاهل بس عيبتني شبريه بس بدون كبت شكله بايعينه
وسرت مارينا ,,,, بصراحه اثاثهم شي رهيييييييييب بس مايبيعون كبتات يعني بس السرير والكومودينو
وسرت اي دي ديزاين,,, ماعيبني اللي عندهم ساده وبعد بدون كبت
خبروني بنات هل اشتري السرير بس وعقب ادور لي كبت يناسب؟؟؟ او ادور في محلات ثانيه
انا افكر بعد امر على هوم ار اس ,, احيد عندهم شي غاوي واسعارهم زينه بس الحين ما ادري..
اذا تعرفون محلات ثانيه في دبي خبروني بس ابا كوالتي وفناااااااااااااااان
وبعد ابا محلات غاويه للستاير وورق الجدران ,,,, حد منكم سار المحلات اللي في السطوه اللي عند مستشفى الايراني؟؟
عيبني واااايد وبصراحه التصوير مووووول مب عاطي السرير حقه
السرير اسوووود وعليه نحت واااااااااايد رووعه وجلد احمر
وبعد في سرير ثاني لونه فضي
بس عيبهم انهم بدون كبتااااااات
حبيبتي نادر ما اتحصلين اثاث كامل
ردي دوري في هوم سنتر بس سيري فرع ثاني
مره شفت اثاث وااايد حلو عندهم كان بني غامج ويا جلد بس الكوالتي اوكي بس دا كان زمان
وهم دايما يغيرون
واذا ما حصلتي لا تدرددين في شي عيبج …لانه بيخلص
السرير حلو اللي اخترتيه…بس انا ما احب النقوش
اذا انتي حابه الجلد الاحمر اخذي سرير من ذا ون عندهم هالستايل بس شوي غالي ..
وفي بعد في هومز ار اص لفيهم وخذي الاثاث
وبعدين انكمل تجديد الغرفة
من ورق جدران وستاير
وان شاء الله انساعدج …
وموفقة
ورق الجدران في الدراجون عندهم اشيا حوه واسعارهم حلوه
اما عن الستاير افضل الستاير الحرير الهندي وتكون لون ساده
https://forum.uaewomen.net/showthread.php?t=298900
انا من هاك اليوم ما سرت ادور لاني اشغلت باغراض العيد
تخيلو خواتي لقيت اعلا في الجريده عن خصم 70% في هوم سنترمركز صحارى ! زين يوم ما استعيلت وخذت من مول الامارات
انا افكر الحين اسير الف في (هوم ار اص) احيد اميه ماخذه عندهم غرفة نوم كامله وكان تنزيلات واسعارهم حلوه والخشب مالهم اوكي…وبعد بحاول اسير هوم سنتر اللي في صحارى
تعرفون خواتي انا ما يهمني السعر كثر ما اهتم بالجوده
بصراحه انا غرفت نومي من 10 سنوات اميه ماخذتنها من مارلين الاثاث وهي حديد ,,, احس موديلها وايد جدم واهم شي مب انا اللي ماخذتنها ومن زماااان خاطري اغيرها بس اقول بعدين وانسى…
اختي راعية دبي… صدقج الاثاث الحين كله نفس الشي بس بصراحه ما تلقين الين شي بجودة قبل… اميه اول ماعرست خذت غرفة نوم ب 17 الف وتعرفين هاذيج الايام المبلغ وااايد كبير بس تمت عندها اكثر من 25 سنه مشاءالله تخيلي الا من سنه غيرت غرفتها وطبعن اللي خذتها حلوه بس عاديه مب مميزه مثل الجديمه.
ام كاكي… هلا اختي انشاء الله بسير اطالع مره ثانيه بس في فرع صحارى مول يمكن القى اشياء حلوه,,, اممم اختي اللي اخترته ترا واااايد سمبل وفي نفس الوقت جي تحسينه فخم في الصنع.. السرير اللي تقصدينه في ذا ون اعرفه بنت عمي شاريه شراته امممم انا وايد عيبني بس وايد عود السرير على غرفتي وبعد نفس الحاله بدون كبت . وعن ورق الجدران اللي في دراقون انا ماشفت الصراحه بس متردده اخذ عندهم في ناس يمدحون وناس ما يمدحونه يقولون الصمغ اللي يحطونه مب زين فما اعرف اول شي بخلص امور السرير وجي ..
ومشكوره الغاليه على مساعدتج
اختي ام كنه… هلا اختي ياليت لو تخبريني شو احسن المحلات في الشارجه؟ غير هوم سنتر.. مشاء الله غرفتج روووعه انا شايفتنها من زمان وعيبتني يارب تتهنين فيها قولي امييييييين.
انا ابا احط ورق جدران لاني مليت من كثر ما اصبغ الحجره جي تغير شوي
وانا ابا شي كلاسك يكون بس مودرن
ومشكوراااات كلكم على ردودكم وارائكم وان شاء الله اذا بغيت شي باخبركم