انا بصراحه مليت من عيالي لازم اكون
اقعد بالصاله وامسك بايدي عصا والا ما بيقعدوا
السالفه ان عندي 3 بنات
وبالترتيب الكبيره 8 سنوات
واهيه مسويه عمرها كبيره وايد تتكلم حتي تقول تفاصيل سخيفه مثل الاكل توصف كيف كلت بالشرح الممل حتي معلماتها يشتكون
منها يعني المعلمه ترشح واهيه تسولف مع صديقتها
وحتي لو استقبلت صديقه لي ما بقدر ارمس معاها الا وبنتي
تقعد تسولف وتالف كلام
ونفس السالفه لو كلمت الخدامه او عمها او اي شخص بالتلفون
واحيانا تسوي عمرها صغيره ترسم علي الجدران لدرجه انها
خربت جدران البنايه وصاحب البنايه اتصل بريلي يشتكي من تصرفاتها
ولما سالتها ليش قالت ان الورق خلص
قلت لها هذا مب عذر لاني تعبت كل اسبوع اخذ لج كراس
وانتي باليوم 10 رسمات ترسمي
المهم عاقبتها وخذت عنها علبة الرسم
كل اسبوع تسوي سالفه
الاسبوع الاول تبول بسريرها
الاسبوع الثاني تزوع لان بطنها يعورها لانها تعاند وتاكل فلفل
الاسبوع اللي بعده تنام بالحمام علي اساس انها تعبت من اللعب عصبت عليها
وخبرتها ان عندها غرفه تنام فيها اسمها غرفة النوم
وصارت تنقل الكلام لعمها شو اسوي طول اليوم
وماتعرف تقعد طول الوقت تنط او تدور جدام التليفزيون
الكلام ماينفع معاها سواء باللين او بالغضب بس من تشوف العصا
تصير موادبه مثل الملاك
الحين البنت الوسطى عمرها 2 سنتين مجننه فيني
كسرت اثاث البيت
خربت كل ورود الزينه الصناعيه وتاكل كل شي صغير جدامها لو شو ماكان
تضرب وتدوس الكل ماتعرف تهدا الا بوجود قناة براعم
ونحن تعبنا منها لو ناديتها او هزبتها كله ماينفع
بصراحه انا احترت ونفسيتي تعبت حتي صرت اهرب منهم واخليهم
عند ابوهم او الخدامه
لا الخدامه وابوهم يقولوا لي لما تكونين موجوده اهم يسوا هالحركات
انا استغربت
بصراحه تعبت من انانيتهم وغيرتهم
كل وحده فيهم تباني ليها بروحها
انا لازم اهتم فيهم كلهم واراقب الخدامه واهتم بالبيبي
حتي صرت طول اليوم احس بصداع والم براسي
النوم بالنسبه لي حلم
خاطري اقعد جدام التلفزيون واشوف برنامجي المفضل
حتي افكر اني اترك البيت واطلع احس اني بستخف
حريم اللي عندكم عيال مثلي ساعدوني جربت العقاب والمكافاءه
يمكن لازم تقضين وقت معاها بدون أوامر تتكلمون و تسوون شيء مع بعض ,, أو مثلا تساعدج في شيء ,, يعني اشغليها معاج ,, و شاوريها في أمور ,,
أحس 8 يعني البنت فاهمه و تعرف و ذكيه امبين عليها ماشاء الله بس انتي اكسبيها و حاولي تنزلين شوي لمستواها ,, لا اتمين متضيجه منها لأنها بتزيد.
مثلا خليها تساعدج في ترتيب البيت و التنظيف و قوليلها انتي البنت الكبيره اللي ماما تعتمد عليها و تحبها ,,انتي الحب الأول .. الخ..سمعيها كلام طيب 
يوم تمدحين البنات وااااايد يأثر فيهم ,,
بالنسبه للبنت اللي عمرها 2 انا أشوفه عادي جدا في هالمرحله كلهم يمرون فيها ,, مرحلة اثبات الذات و الخرابات ,, بتكبر و بتعدي ان شاء الله ,,
عودتي بنتك ماتتادب الا بعصا!!!
شكلك عصبيه!!
بنتك تحب الرسم شجعيها جيبي لها دفاتر رسم وعلب الوان ترسم
قولي لها يالله ياماما اقعدي يمي ارسمي
وانت ارسمي معها
خليها تحس ان قريبه منها
ارسموا مع بعض علقي رسوماتها
حد يجي قدامها قولي لهم شوفوا رسمت بنتي
خل تحس انك مفتخره فيها
التبول ونقل الكلام والتحدث عن الناس هذا للفت الانتباه
لانها تحسك بعيده عنها
صيري صديقه بنتك
لاتنفريها منك عقب كم سنه بتصير مراهقه ولو ماصاحبتها الان بتخسريه بعدين
الصغيره توها بيبي ماتفهم فهميها لا ياما لا تسوي
كل ماتبي تفتكي منها تحطيها على التلفزيون
غلط الطفل يبي تربيه لمن يكون مافي تلفزيون بتحاول تشغل روحها
فتقوم تخرب
نظمي وقتها بين تلفزيون
لعب
تعليم
ونوم
صيري لبناتك ام
ارسال الرسائل الايجابيه
يعني انتي شاطره انتي تسمعين الكلام انتي طيبه انتي ماتلعوزين ماما …… الخ
وطبعا هالشى يبيله صبر وطولة بال
ومع الوقت باذن الله بتشوفينها تسمع كلامج
وبالنسبه لتصرفاتها احسه لفت انتباه تبيج تهتمين فيها اكثر وخصوصا ان عندها اختين اصغر و اهتمامج للاصغر اكثر عنها وهذا شى طبيعي بس لاتحسسينها بهشى
والله يوفقج يارب
ارسال الرسائل الايجابيه
يعني انتي شاطره انتي تسمعين الكلام انتي طيبه انتي ماتلعوزين ماما …… الخ
وطبعا هالشى يبيله صبر وطولة بال
ومع الوقت باذن الله بتشوفينها تسمع كلامج
وبالنسبه لتصرفاتها احسه لفت انتباه تبيج تهتمين فيها اكثر وخصوصا ان عندها اختين اصغر و اهتمامج للاصغر اكثر عنها وهذا شى طبيعي بس لاتحسسينها بهشى
والله يوفقج يارب
هالتصرفات هذي للفت الانتباه مب اكثر يعني عسب تزيدين اهتمامج فيها
اكيد محتاج طوة بال وصبر
ومع الوقت ببتغير للاحسن