مرحبا خواتي
شحالكم عساكم بخير
وعساه عام دراسي سعيد على عيالنا يارب
الله يسلمكم عندي ولدين السنة فالإبتدائي
واحد في ثاني إبتدائي والثاني في أول إبتدائي
مشكلتي مب الاولاد فديتهم
مشكلتي البنت السنة أول روضة ودخلتها في
روضة حكومية لكن شو مبهدلتني اول يومين ماصاحت لاني اروح وياها لين نص ساعه وأروح
عنها بس عقب قمت اركبها الباص وشوي وبتصيح
بس اطنشها لاني ما ابغي اعودها اوديها واييبها
فقمت تروح فالباص وترجع فالباص
بس المشكله ترجع بشنطة الاكل مثلما إهي ماتاكل
ولاتشرب لاعصير ولا حتى ماي،يعورني قلبي عليها
لانها كتكوته وايد وخاصة إني ما اروم عليها تاكل
شيء قبل لاتروح،حتى ابوها قال خلاص بأطلعها وبأحطها ويا أخوانها فالخاصة وقال روحي اليوم
الروضة ورمسيهم بس انا ما اقتنعت قلت حرام
أبهدلها من مكان لمكان.
بس رحت اليوم ورمست المعلمه مالها وقالت
لي حرام لاتطلعيها هي جي طبعها هادئ
وشوي شوي بتتأقلم وسالفة الصياح تقول كلهم
اليهال جي يعني شيء مب يديد ولا غريب عليهم
بس والله ماعرف تميت محتارة
انتوا شو تقترحوا علي خواتي وهل هالشي صادفكم
ويا عيالكم انا اول مرة يستوي لي جي صراحه لان
عيالي قبل في الخاص فكان عادي الوضع
والسموحه على الإطاله ويزاكم الله ألف خير
شحالكم عساكم بخير
وعساه عام دراسي سعيد على عيالنا يارب
الله يسلمكم عندي ولدين السنة فالإبتدائي
واحد في ثاني إبتدائي والثاني في أول إبتدائي
مشكلتي مب الاولاد فديتهم
مشكلتي البنت السنة أول روضة ودخلتها في
روضة حكومية لكن شو مبهدلتني اول يومين ماصاحت لاني اروح وياها لين نص ساعه وأروح
عنها بس عقب قمت اركبها الباص وشوي وبتصيح
بس اطنشها لاني ما ابغي اعودها اوديها واييبها
فقمت تروح فالباص وترجع فالباص
بس المشكله ترجع بشنطة الاكل مثلما إهي ماتاكل
ولاتشرب لاعصير ولا حتى ماي،يعورني قلبي عليها
لانها كتكوته وايد وخاصة إني ما اروم عليها تاكل
شيء قبل لاتروح،حتى ابوها قال خلاص بأطلعها وبأحطها ويا أخوانها فالخاصة وقال روحي اليوم
الروضة ورمسيهم بس انا ما اقتنعت قلت حرام
أبهدلها من مكان لمكان.
بس رحت اليوم ورمست المعلمه مالها وقالت
لي حرام لاتطلعيها هي جي طبعها هادئ
وشوي شوي بتتأقلم وسالفة الصياح تقول كلهم
اليهال جي يعني شيء مب يديد ولا غريب عليهم
بس والله ماعرف تميت محتارة
انتوا شو تقترحوا علي خواتي وهل هالشي صادفكم
ويا عيالكم انا اول مرة يستوي لي جي صراحه لان
عيالي قبل في الخاص فكان عادي الوضع
والسموحه على الإطاله ويزاكم الله ألف خير
ياالله سبعه اللي دشوا ومحد رد
ررررررفع
هلا أختي ربي يحفظلج أعيالج
لا تستعجلي اليهال جذيه والبنات خاصة غير عن الأولاد
انتي رمسيها وقوليلها انها تاكل ووعديها اذا ردت من المدرسه ماكله أكلها بتسويلها شي تحبه وصي المس بعد انها تخليها تاكل ويا اليهال
أما الصياح شي طبيعي
أنا بنتي صاحت سنه كامله دقتلي المس تترجاني أطلعها أو أنقلها ياها صداع مزمن خخخخخخخخخ
لانها بنتي تصيح بصوت قوي وماتسكت بس السنه الثانيه تحسن الوضع
لاتحاتين فتره وبتتأقلم ان شاالله
لا تستعجلي اليهال جذيه والبنات خاصة غير عن الأولاد
انتي رمسيها وقوليلها انها تاكل ووعديها اذا ردت من المدرسه ماكله أكلها بتسويلها شي تحبه وصي المس بعد انها تخليها تاكل ويا اليهال
أما الصياح شي طبيعي
أنا بنتي صاحت سنه كامله دقتلي المس تترجاني أطلعها أو أنقلها ياها صداع مزمن خخخخخخخخخ
لانها بنتي تصيح بصوت قوي وماتسكت بس السنه الثانيه تحسن الوضع
لاتحاتين فتره وبتتأقلم ان شاالله
لاتستعييلين عليها
اصبري عليها شوي"ومن راي اتروحين وياها فتره لين ما اتحسين انها تعودت علي الكل "قلبي عورني عليها0
والله لا تهدينها بروحها يمكن من الزيغه ماتاكل وما اتعرفين شو يستويبها وانتي مش موجوده"
والله لا تهدينها بروحها يمكن من الزيغه ماتاكل وما اتعرفين شو يستويبها وانتي مش موجوده"آآآآآآآآآآآآآآآآآآآآآآه الحال من بعضه انا عندي ولدي عمور فديته هو بعد هادي وضعيفون دخلته KG1 طبعا الحبيب مووووووووول مايكل اكله ولا عصيره ولا قطرة مي يشربه وانا بالعماله حبيت ادخله الروضه قلت عل وعسى يختلط وياليهال ويشوفهم ياكلون وهو ياكل بس ابد …لا وازيدج من الشعر بيت صارله اسبوع كله يزاوع في المدرسه رغم اني مافطره ولاا ياكل شي ويرد البيت وهو مرجع ..تميت طووول الاسبوع اللي طاف متضايجه عوضع ولدي وشاورت ابو العيال اني خلاص بطلعه من الروضه وابرك له يلس في البيت اللين يدش الصف الاول بس الكل رفض ريلي واهلي وقالولي هب مشكله هي فتره عقب بروحه بيتعود وبيتاقلم وبيوع وبياكل وانا صابره يالسه اتريا متي يرد لي البيت وهو ماكل ولو ربع اكله
عفكره رمست مدرسته وقلت لها انها تشجعه عالاكل قالت لي اونه هي مب من طبعها تزر عاليهال وهو عنده ربع ساعه بريك اكل بس حب ياكل كان بها ماحب برايه محد يغصب الطفل عالاكل وقالتلي اني وااااااايد اكبر السالفه اونه شو رايكم؟؟