بنـــات الله يهديكم ماصااارت شو هالتعليقات هاي؟ والله شي يسد النفس صدق!!!!!!! 2024.

حطيت الموووضووع هنييه لنــّه أكثر قسم فيه تفااااعل.. وعسب أكثر عدد من العظوات يشوفون الموضووع..!!

ورجاءً حاار. .من الحينه.. اللي بيكون عندها إنتقاد عالموضووع..
اترد ماعليه.. بأسلوب راقي.. واللي ما تباااا تنتقد وتبا بس تعق رمسة بايخة..
تعطي عمرها الراحة أحسن.. !!

بدش في الموضوووع ع طــــــــــــــول..!!!

بنات.. أنا استوالي سنــــــــــــــة كاملة في المنتدى..!!

والله ما مرت علي فترة في المنتدى.. حسيت إنه إستوااا مب شي.. إلا هالفترة..

لني حسيت إنه واايد قامت تستوي ظرابااات ومشاكل.. وسب وكلام وحشرة..!!

قبل والله كنت اموووووووووووووت ع شي إسمه (منتدى سيدات الإمارات)..
وللحينه أحبه .. بس والله في مشاركااات وردود الله العالم فيها..
وصدج هالردود.. بطريقة ولا بأخرى.. تكرهج فيه.. وتخليج.
. تقللين دخولج للمنتدى.. هذا إذا ما قررتي تهدينه خير شر..!!

وأعرف البعظ منكم بيقول طنشي ما طنشي..

انا ماكتبت الموضوع .. أدور حل حقي.. أنا بطنش..
ومريت بكذا موقف من كذا عضوة.. وطنشت..
ولو تميت اعبر كل وحدة ما بخلص..
لنه في وايدات ويسمحون لي ع هالكلمة ( ما عندهم أسلوووب بالمرة..
جنهم يكلمووون يهودية عندهم.. مش أخت مسلمة لها)..

بس… أنا اللي في بالي الحينه.. إنه هدف المنتدى.. شو؟
يعني حق شو سوو المنتدى؟

بالله عليكم جاوبووو..

مب عسب.. نفيد بعظ ونستفيد… وناخذ من تجارب بعظ…

مب عسب.. نواسي الحزينة.. ونبارك للي مستانسة وعندها مناسبة..

مب عسب نتشارك في الحلوة والمرة..!!

مب عسب.. الخ الخ الخ..!!

وانا اللي اجوووووووفه انه في وايد بنااات يخربووووووووووووووون..!!

نقطـــــــــــــــــة رقم || 1 || …………………>>

والله في كذا عظوة انا ملاحظة عليها..

سيرو ودشو ملفها الشخصي.. والله كل كلااامها واسلوبها…
. سب ولا طنااازة.. ولا مادري شو؟؟

يعني حق شو كلها ابا افهم؟

يوم ما عندج كلمة زينة تقولينها؟ خلاص صخي ؟ واكتفي بالقراية؟ مش لازم اتردين؟

وبعدييييييين في وااايداااااااات ع كيفهم..

اونه دشووو موضوووع.. شو هالموضووووووووووووووووع؟

ولا هالموضوع لازم ينحذف<< ومسوية عمرها مشرفة بعد..!!

ولا هالموضوووع سخيف وشو العبرة منه؟

ولا وحدة تقولي.. صدج تافهة وماعندج شغل..!!!
<,,,,,,,,,,,,, لني حطيت موضوع حركة لزفة أبا أفيد اللي بتعرس جريب..!!!

وانا ماتكلم عني انا بس.. انا المواقف اللي تعرظت لها واايد..
صح اعصب اول شي.. وتلوع جبدي.. بس عقب اطنش..!!!!
ومب مهم أذكر لكم كل المواقف اللي تعرظت لها..!!

بس أهم شي .. إنه في غيري ما يروموون يطنشون ويتحسسوون.. ياخي..
يحسون ع دمهم اللي يردون جي.. يعني تحطي في بالها أقل شي..
إنه لو هي حطت موضووع وردو عليها رد سب..
خل نقول رد سلبي.. والله انه بيحز في خاطرها عقب..!!!!

وغير جي..

نقطـــــــــــــــــة رقم || 2 || …………………>>

ماشي إحترااام للراااي مووووووووووووووووووووووووليه في المنتدى.
. إلا فئة قليلة جداً.. وها من مطالعتي لوااايد موااضيع..!!

اوكي.. انتي دشيتي موضووع.. وكتبتي رايج..
مب شرط كل الناس يوافقوونج في الراي..
نفس ماانتي مؤمنة انه الناس أذواق.. ترا حتى الناس آراء..

يوم ما بيعيبج رد وحدة.. أظعف الإيمان.. اتقولين لها هالجملة بس
( أحترم وجهة نظر.. بس ما أوافقج في الراي) وكان الله غفوراً رحيماً..

مب وحدة ادش .. وتتفلسف.. وترد على صاحبة الموضووع..
إلا شو هالعقلية؟ ولا شو هالموضوع؟ ولا تعلق عليها ليج قالت جي؟

نصيحة بس.. يوم وحدة تبا تعلق.. تعلق عالموضوع نفسه..
ما تعلق على تعليقات العضوات.. لنها بهالطريقة..
تبدأ تشب النار في الموضووع..
وتغير مجرى الحوار فيه..!!!
<< ويوم هيه ماترظى حد يخرب موضوعها..
<< لا تخرب مواضيع العظوات الثانيااات واااااااااااااااااااالله

وشي بعد في خاطري وبقوووله..!!!!!
أي وحدة ما يعيبها الموووضووووع.. خلاص لا اتعلق؟
تسمعها مني بليييز وماتعلق..
والله انه صاحبة الموضوع بتستانس على اللي ماتعلق وهيه تبا تقول كلام مب زين..
أحسن من الوحدة اللي تعلق وتشـــكر..!!!!

وبالذات في المواظيع.. اللي الحريم يحطون فيها..
ريلها شو يابلها وريلها شو اشترالها.. وشو سوت ما سوت؟؟

فيه بنات يدشوون ويخربوووون؟ ووواايد شفت هالشي والله..!!

خلاص يعني .. يوم ما يعيبج طرحها ولا شي..
مب لازم اتعبين اناملج الذهبية وتردين..
اكتفي وقوليلها موفقة.. ولا لا تردين..

يعني في بنااات عليهم عقل بصرااااااااحة….
وإلا اللي تجذب راعية الموضوع وانه اونه ريلها ما يابلها ها الشي.
. ولا اونه مب حلووو.. ولا اوووووونه شو نسويلج.. ولا ولا ولا الخ..

يعني الواحد.. بهالردود والله تنسد نفسه ولا يفكر يحط مووضووع حتى..

عندج أي كلمة في خاطرج.. شي إختراااع اسمه ( رسايل خاصة ) ..
سيري وطلعي كل اللي في خاطرج هنااااك..!!!!!!!!

نقطـــــــــــــــــة رقم || 3 || …………………>>

وللحريم اللي يحطووووووون مواظيع عن الرومانسية وما دري شو..
والله ما فيها شي.. فيه حريم ياخذون أفكار ويستفيدون ..
ووالله بتاخذ أجر.. لنها ساعدت حرمة تفرح ريلها.. يعني ما فيها شي..

بس المشكلة .. في حريييييييييم للأسف الشديد.. تقول اللي ينقال واللي ما ينقال..
إلا سويت له جي.. ولبست له جي.. ولا مادري شو سويت..
وتصور قمصاااااااااااااااااااان نووومهااااااااااااااااااااااااااااا..!!!!!!!!

والله مب حلوة.. من وجهة نظري.. وانا لنكم تهموني جي تكلمت..
والله كنت سكت وطنشت..
وها رأيي الشخصي ومب شرط يكوون حقيقة علمية..!!

بس جد مب حلوة.. يعني حطي الفكرة اللي عندج ومع صور ما شي مشكلة..
بالعكس الموضوع بيحلى أكثر وأكثر..!!

بس أتمنى تبتعدون عن شو لبست له وأي لون.. والملابس الداخلية..!!!!!!!

لنه ها شي ما بيفيد العظوات في شي.. يعني كل وحدة اتعرف تتلبس؟
وتعرف كيف تكشخ؟ يعني حطي فكرتج بس..
بدون شو لبست وشو ما سويت..

يعني والله لو الحرمة.. ريلها.. يعرف إنها تحطي صور إيدها ولا صور قمصان نومها..
ولا مادري شو من بلاوي زرقا؟ هل بيرظى؟ بالذمة؟ بس جاوبوني بيرظى؟
والله لو عرف لا يجلب عليها البيت كله..
وأظغف الإيمان.. تحفظين ريلج في غيابه وحظوره..
وماتحطين أسراركم في النت..!!!!
ولا يعني الحرمة الله يهديها.. تبا ريلها يعاملها زين ويسويلها.. ويقوم بواجبته..!!
وهيه ما تقوم بواجبتها.. وأقل شي.. إنها ماتقول كل شي.. حق كل الناس..
لا والقهر إنه يكون عالنت.. يعني كل حد في هالدنيا يروم يجوف شو كتبت؟!!!

أهم شي الوحدة.. تحطي رضى ربها وريلها في بالها.. !!
وعقب ترمس تقول والله استوت لي هالمشكلة ولا سوالي هالشي.. ترا كله منج..!!!
اللي تسوي شي ما يرظي زوجها.. ترا كله ينجلب عليها في النهاية.. ولا بعد فترة..!!
والله يعاقبها..!!

وانا قلت هالرمسة.. وآسفة لو غلطت في حق أي حرمة^^

نقطـــــــــــــــــة رقم || 4 || …………………>>

وفي بعد مواظيع.. عن الفراش مافراش.. ( اسمحولي ع هالكلمة)
هاي المواضيع لو تنحط في قسم خاص بس للمتزوجات والله أحسن..!!<< إقتراح..

يعني شرات ما عدنا دورة الرومانسيات..
ليج الإدارة ما تسوي قسم الأسئلة الزوجية.؟
ومحد يعرف الكلمة إلا المعرسات وذوات الخبرة..
والبنات مايدشووون وأولهم نحن الملقوفات لووووووووووووووووول ^^

نقطـــــــــــــــــة رقم || 5 || …………………>>

وآآآخر شي.. كثرت الموااظيييييييييييييييع عن المنطقة الحساسة ومادري شو من علة؟؟

وكل وحدة ماشاء الله تعطينا من هالإخترااعااات وهالنصااااااااااااااايح..

وانا اكثر شي صدمني.. وسوالي Shock من الخاطر..
والله سالفة انج تيبين ربطة زعتر شي جي وتحطينهااا هناك..!!
شووووووووووووووووووووووو هاااا؟

معقوووووووووووووووووولة ؟ نحن بنات متعلمااااااات؟
ومثقفااااااااات؟ نصدق هالبلاوي وهالخراافاااات؟

يعني بالعقل والله.. !!!!!!!

.. وبعدييييييييييييييين في وايدات عندهم هلوسة عن هالموضوع..!!

ووالله ما بستحي وبقوولكم.. وانا صدق بنية.. بس ماعندي هالهاجس..!!
وبقولكم كلام قريته من كتاب ومن الإنترنت..!!

( إن هالمنطقة لنها ما تتعرض للهواء وايد.. فتسود.. ونادرا.. هه قريتو.. نادراً انه وحدة تكون عندها لونها عادي)..

يعني لا تعبون اعمااااركم.. حتى لو شو ما سويتووووووووو مابيستويبها شي..!!

يعني شيلو من بالكم مواظيع التبيض ما تبيض المنطقة ..
وبعدين الرياييل ما يهتمون في هالشي..!!

وبعدين بالعقل بعد.. ( واسمحولي ع الصراحة)..

يعني هم اللي ماعندهم المنطقة ( سو …)..

يعني عيل ليج متعبين اعماااركم..!!!!!!

الله يهدينا بس..!!!!!!!!!!!!!!!!!!!!!!!!!!!!!!!!!!!

واعرف اخر جزء من الموضوع كان خاص..

بس لنه نص مواظيييع المنتدى.. استوت عن المنطقة هييج.!.!!

آآآخر شي…!!!!

المهم.. انا ها اللي في خااااااااااااطري وها اللي لاحظته وبكل صراااحة قلته..!!!

ومن اليوم وسااااااير.. عسب نخلي منتدانا يرتقي.. إنه كلنا نتعااااااون..!!!!!

واللي تقول مشرفات ما مشرفااات..
والله المشرفاات عندهم مسؤوولية كبيرة وشو بيلحقون ولا شو؟

وبعدين المشرفات عندهم عيال ولا مشاغل..
مش 24 ساعة ماعندهم شغلة إلا المنتدى؟
يعني الزبدة.. إنه لازم كلنا نتعاون ونبلغ عن أي رد نجوف إنه زين..
جوفو شو قلت.. انجوف انه مب زين.. مب أي رد ما يعيبنا وما نتفق وياه..!!!

والله كريم

واللي عندهااا تعليييق.. تقوله بكل أريحية..!!!

واللي تعليقهاااا بيكون ( بس مرادد ) ومادري شو؟؟

شكراً .. تعطي عمرها الرااااااحة وبشكرها من كل قطعة من قلبي

وإلــــــــــــــــــــى الأمام دوما..ًً

أعرف إني طووووووووووووولت في الهذربة.. << حرمة عادي لووووووووووووووول ^^

وبالتوفيج.. والله لو المنتدى مايهمني.. ماعبرت..
بس لنه يهمنا كلنا.. وجمعنا.. لازم نسويله شي بالمقابل..!!!