باجر ان شاء الله موعدي بيركبولي تقوييييم
ااااه متى بخلص منه وافتك <<من اولها هههههه
عندي جم سوال واذا حابين بيكون هذا تجمع للبنات اللي مركبين تقويم واللي بيركبون
1- التقويم يجرح الخد من داخل اول الايام ولا دوم يجرح ويقطع؟
2- ياخذون صورة فوتغرافيه للاسنان قبل التقويم؟
3- علمكم الدكتور طريقة التنظيف ولا لا؟
4- واخر شي شو الالوان اللي حبيتوها والالوان اللي ندمتو انكم حطيتوها او ما جبتكم؟
اتمنى الموضوع ما يروح اخر صفحه ويكون دوم فيه تفاعل
والسموحه
اول شي ان شاالله تحطين التقويم وتستفيدين منه …..وماتتاذين منه
– التقويم يجرح الخد من داخل اول الايام ولا دوم يجرح ويقطع؟
[
انا اعتقد انه على حسب الفك من داخل او بروز الاسنان لان في ناس اسنانهم بارزه وايد فيمكن يضايقهم التقويم في البدايه اما بشكل عام التقويم يجرح بس مش دايما ومايجرح جروح كبيره يعني مجرد خدشه بسيييييطه تخوز بسرعه وفي بالصيدليات متوفره ماده شمعيه تحطينها على حبات التقويم اللي تاذيج ….
– ياخذون صورة فوتغرافيه للاسنان قبل التقويم؟
3- علمكم الدكتور طريقة التنظيف ولا لا؟
هالسؤالين جوابهم نفس الشي ..لانهم يعتمدون على الدكتور واسلوبه في العلاج في دكاتره يسوون صوره قبل التركيب عشان يشوف الفرق بعد ماتشيلين التقويم وفي دكاتره مايسوون ونفس الشي طريقة التنظيف واذا ماخبرج انتي اساليه ….
– واخر شي شو الالوان اللي حبيتوها والالوان اللي ندمتو انكم حطيتوها او ما جبتكم؟
انا اكثر لون حبيته هو الازرق الفااتح والازرق السماوي الفاقع والفوووشي الساااطع ههههه كلها فواقع ههه
بس نصيحه يوم بتختارين الالوان جيكي على حجمه قبل يعني خذي اصغرهم عسب تستفيدين اكثراذا ماقدرتي تفرقين بين احجامهم اسالي الدكتور وبقولج …
اتمنى اني افدتج بردي
والسمووووحه
وإن كآن فـي الأرض فأخرجهـ
وإن كآن بعيدا فقربهـ
وإن كآن قريبـا فيسرهـ
وإن كآن قليلا فكثرهـ
وإن كآن كثيرا فبـــــاركـ لي فيهـ
✿✿✿
لااا ماتخيل فواااقع احس ملفته جداااا يمكن اجربها فالاجازه ههههههههه
بالنسبة للشمع ماعرف كيف شكله او كيف ينحط بس اخوي قالي يطيح بسرعه عشان جيه ابا اعرف بيجرح دوم عشان ما اضطر احط الشمع
زين ماخبرتيني دكتورج علمج طريقة التنظيف وخذلج صورة ولا لأ
مشكورة لمرورج
شيخه ٢٩
امين
مشكورة على مرورج
حطلي تحت بس لان في ضرس فوق يباله تلبيس قالي ماروم اسوي التقويم لانه بينكسر الضرس
مادري ليش ماقالي قبل وعطاني موعد اخر 7 عشان يركب فوق وان شاء الله بسوي التلبيسه شهر 4
حطيت لون بنفسجي حلو حتى قالو لي حلو عليج ^_^
ماقالي كيف انظف اسناني وانا اذا دخلت عياده الاسنان ماعرف شو يستوي فيني احس ما استوعب عدل هههههه
بس عرفت الطريقة من النت شي وايد فيدوهات تعلم
القطعه الدائرية اللي يلبسها على الضرس ورا اللي نفس الخاتم تجرح شوي من داخل تضايق يناسبها الشمع؟؟
مشكورة لمرورج
شيخه29آ
آمين
عذايب22
احس ما يعور يمكن لانه ماشد
توني ماعرف شي عن الاحساس
ان شاء الله موعد الشد بجوف يمكن بيعور اكثر من احين