أنا اشوف احسن تعطينها ينسون فالمرضعه 50ميلي يكون دافي وفليل قبل لاترقد حطي فكس شوي في ريلها مع مسمسار مطحون وعقب لبسيها جوارب..والله انا جربت ف ولدي هاي طريقة وااايد نفعت ثاني يوم اختفى عنه الزجام..وربي يشفي بنتج يا رب.
ان شاء الله حد يفيدج
نصيحه اختي لا تودينها المستشفى لانه مارح يسوون لها شي غير انهم يعورون قلبج عليها ويتعبونها اكثر لانه معرووف هالعمر مالهم ادويه
أنا وديت بنتي وندمت بالعكس مرضت زياده عنبووو بيبي عمره أسبوعين او ثلاث يسحبون منه دم ليش لا وقالوا لي يمكن فيها شي في القلب ليش لانها كانت تتنفس بصعوبه تعرفين الزكام يسد الخشم فيضطرون انهم يتنفسون من حلجهم فديتهم
انتي عالجيها في البيت
اول شي تمي اشفطيلها غشمها وفمها بالشفاطه عسب البلغم يطلع ترى يوم تكح يطلع البلغم وهي ترجعه مره ثانيه يعني انتي طلعيه بالشفاطه
لاتسبحينهاا كل يوم يعني في الاسبوع مره ادري صعب بس حاولي
دهني جسمها قبل الرقاد ودفيهاااا
واهم شي بعديها عن الناس يعني لا تخلينهم يبوسونها على ويهها
ولا تحاتين لانه اغلب اليهال يمرضون وقت الاربعين
وسوري عالاطاله
والله يشفي لج بنوتج وتشوفينها عرووووس ان شاء الله