تجاربي الفاشلة 2024.

السلام عليكم

اشحااااالكم حبوباات

بنات انا عمري 19 وبعرس بعد 3 شهور ان شاء الله وبسكن بروحي مع ريلي في شقه

وابدااااا ماعرف اطبخ يعني تجاربي كلها فاشله تقريبا والعيب عندي ماعرف قياس البهارات والبهارات اهم شي في الاكل

بديت افكر كيف بأكل ريلي هههههه عاد ماعلية لو أكلة تسود الويه وكليتها روحي ماعلية بحبها حتى لو مش حلوة لاني انا سويتها لكن ريلي مسكين شو اسويله هههه

مرة سويت عشا حق ابوي >>>>> قال شو حاطه فيه ولو ما كان يوعان جان ما كل >>> كنت حاطة وااااايد قرفة ههههه

مرة سويت فطاير >>>> اتريا العيينه تنتفخ ما انتفخت اترييت اترييت اخر شي سويتها بدون ما تنتفخ وسدحتها ف الفرن طلعت مسويه طحين غلط هههه ها وامي تقول واخبص لو ما قالت لي شو عيل

مرة سويت باستا والصوص ماله طلع مو شي وخواتي ما كلوا اخر شي كليته بروحي وعطيت اخواني الصغار

مرة سويت كيكه حللللوة وكل شي كان فيها اوكي ع اخر لحظه اتصل ريلي وسرت الحوي اسولف وياه ونسيت الكيكه احتررقت من تحت بس

امي مسكينه شاريه لي كتاب مال طبخ من كارفور في اكلات واايد حلوة والكتاب حق وحده مواطنه اعتقد في اول فترة اتحمست وااايد وبعدين يوم شفت عمري مول مب فالحه خفيت واتكاسلت ويأست

مشكلتي ماعرف حق البهارااات لا قياسات واحيانا لا اسماء اذا مكتوب شي وما عندنا احط بداله شي ثاني

اللي بغيته الحين منكم يا حبوبات ان كل وحده كانت ما تعرف تطبخ واتعلمت الطبخ تقول لي كيف اتعلمت تطبخ يعني من وحده ما تعرف تطبخ مول >> الى وحده اكلاتها روووعه

والسموحه ع الاطاله

هههههههههههههههههه حلو موضوع

شوفي حبوبه بتحصلين في محلات مثل سبينس او كارفور مقياس للاكل

هاي اقرب صوره حصلتها لج

حاولي انج تسوين نفس الاكله وتجربين شو هو القياس المناسب لكميه البهارات

مع ان هالشي ماترومين تقيسينه لانه يعتمد عليج في ناس مووول مايحبون البهارات وفي ناس يحبون يكثرونها في الاكل

بس انتي دوم حطي شويييه واطعميه لو حسيتي انه يبغي بعد زيديه سوي جي لين ماتحسين انه منااسب

اتمني اني اكون فدتج حبوبه

والله حبيبتي غمضتيني بس لا تياسييين وحاولي وجربي وان شاء الله راح تنجحين لان احس من خاطرج تبين تتعلمين

حيااتي اصلا بالذات البهارات والملح ايلسي كل شوي اتطعمي لين ما اتحسين انه هذا الطعم الصح وبس

وانا ما اعرف اطبخ من نفسي انزل وصفات وايلس اتبع الوصفااات

وياما وياماا خبصت بس عادي تيكت ايزي ههههههههه

ههههههه……انا كنت نفسج….وكل الاكل راااح للعزبه للحلال ياكلنه من كثر الي سويته وينكب….
بس مادريت بعمري الا وانا اعرف اسوي كل اللي ابيه وتعلمت اكثر شي من الكتب…..كنت اسوي مايظبط شي بس مايأست حاااولت لين عرفت الحمد الله……
حاااولي فديتج وبتعرفيين ان شااااء ….
وبالتوفيق …..وربي يسعدج ويهنيت في الحياه الزوجيه.

حبيبتي كلنا جييه ف البدااايه
طنشي رمسه كل حد و ماعليج منهم
انا احيدني اول مره طبخت .. سويت مكرونه ..
استغفر الله ابدا ابدا ما كانت تنبلع خخخخ ومحد رضا يجسها ههههه
واحيدني طعمت ولد اخوي الصغير جان يتهاوع -_-" خخخ
و تعالي شوفيني اللحين … بيحسدوني عذالي هههه
مارسي الطبخ حبيبتي ^_^