اذا الشي كيماوي بتحسين ان حتى اللي حواليج امدحوج بيكون مب شي لان اللي تستخدمينه كيماوي عكس الطبيعي بتكونين مرتاحة نفسيا لان اللي تستخدمينه مابياثر فيج ونتيجته مب اصطناعيه
المهم السالفه ومافيها قبل 6 اشهر تقريبا وانا اتحوط بالمنتديات ماذكر اي منتدى بس انه وحدة كتبت فيه ان عرسها قريب ولونها كان حنطيه باهته تقريبا لين مايات خالتها وقالتلها عن خلطة تستخدمها هي وبناتها وهي ….
اول ماتنشين الصبح تشربين عصير برتقال فرييييييش ضروري يكون فريش مب من السوبر ماركت
على الغدا تاكلين روب يعني يعني اااخر شي عقب ماتخلصين الغدا تاخذين قوطي روب الصغير وتاكلينه بروحج
ثالث شي بعد العشا ضروري عصير جزر لاتقولين ماحبه
الكميه للعصير انا استخدم مال جبنة بوك نفس المقدار يعني والحمدلله ياب وياي نتيجة
المهم صاحبة الموضوع تقول ان عقب ماستخدمت الخلطة باسبوعين حتى اخوانها الشباب قالولها ابيضيتي اكيد لانج بتعرسين ويلست تضحك من الوناسه
انا جربتها والله يشهد انها يابت وياي نتيجة بس مب بعد اسبوعين لا عقب شهر تقريبا اهلي يقولون لي ماشالله لونج افتح عن قبل بواااايد واللي خلاني اتشجع اكثرواستمر على الخلطة الطبيعية هي اني صرت الاحظ ان جسمي تفتح لونه وخلاني ارتاح اكثر لاني كنت دايما استخدم خلطات كيماويه وتبين بويهي بس وجسمي يتم مثل ماهو والحمدلله الحينه مستمرة ويا الخلكة 6 شهور ومرتاحة منها واااايد…..
للمعلومة اللي بتقول شيخص هالاشيا بالتبيض اقولها دشي قوقل وكتبي مثلا عصير الجزر وجوفي فوايده صدقيني بتتشجعين انج تشربينه عصير البرتقال غني عن التعريف والروب يحسن من اضطرابات المعدة وزين للي عندهم امساك اللي بطنها مايمشيها عدل بينفعها لاتقولون مايخصه لان اللي بطنها مايمشيها بشكل منتظم يسبب لها حبوب مفاجئه للبشرة وحتى في زهرة الخليج الاسبوع اللي طاف كتبوا ان هالشي ممكن يكون احد اشباب ظهور الاكزيما والحساسيه عالعموم يمكن ماتصدقون بس قوقل مايقصر
وان شالله يارب تحصلون النتيجة المطلوبه
اصلا ماتفيد الكريمات والخرابيط الثانيه
لان اساس النظاره من الداخل
التغذيــــــــــــه
جربي الثوم مع الروب في الخلاط يوميا قبل النوووم لونج بيصير بيروتي ههههه
جربي وادعيلي
بنجربه