تجمع . للحضانات في الدولة 2024.

زعلتوني بنات ولا مشاركة

انا دخلت ولدي فحضانتين عدنا فالشارجه وكلهم عيبوني وارتحت لهم

اول حضانه

اسم الحضانة: الحضانه الملكيه البريطانيه
الإمارة و المنطقة: الشارجه – مقابل الحزام الاخضر
السعر شهريا : 1200 او 1400 ما اتذكر
عمر طفلج: شهرين وتم عندهم لين كمل 4 شهور
رايج في الحضانة: ممتازه بس انا جربتها لفتره قصيره فما اقدر احكم عدل
الايجابيات و السلبيات : حبيت فيهم الكيمرات الموجوده فكل مكان وانهم ما يقبلون الا العرب لان باقي الجنسيات عاداتهم وايد غير عنا واللي كانو يجابلون ولدي واايد زينات وعندهم نيرس تجابل البيبيات والسلبيات مكان البيبيات صغير وماشي مواصلات حق المناطق اللي فوق مثل القراين واللي حواليها

الحضانه الثانيه

اسم الحضانة: حضانة المستقبل الدوليه
الإمارة و المنطقة: الشارجه – موافجه
السعر شهريا : ماعرف لاني ادفع حق بالكورس وحق سنه كامله 20 الف
عمر طفلج: سنه و 3 شهور
رايج في الحضانة: وايد ممتازه
الايجابيات و السلبيات : اهتمامهم فالياهل وايد حلو والاكل يكون من عندهم يعطون الطفل وجبتين يوميا انا ما اطرش الا الحليب وكل يوم يطرشون ريبورت متى رقد ومتى نش ومتى ياكل واذا كل زين ولا وعندهم وايد نشاطات ورحلات حتى حق عمر ولدي وولدي ماشاء الله استوا يتكلم احسن عن اللي فعمره واهم شي ان عندهم مواصلات حق منطقتنا والسلبيات ما كانو يلبسون ولدي صدريته وقت الاكل دايما مع ان دايما اطرش وياه واقوللهم لبسوه فاحيانا اي وثيابه مبقعه وبعد سلبيه انا ماشفتها بس وحده قالتلي ان ولدها طفل عضاه فالحضانه وما خبرو امه ويوم رجع البيت شافت مكان العضه

وعندي بنتي وياي فحضانة الدوام فماظن بتفيدكم وايد المعلومات عنها

وبس

اسم الحضانة : الدانة
الإمارة و المنطقة:أبوظبي الشامخة
السعر شهريا : شهريا ماعرف انا خذتة 5 شهور مع الباص 13000
عمر طفلج: 3 سنوات
رايج في الحضانة: الحضانة ممتازة
الايجابيات و السلبيات : تعامل المشرفات راقي التواصل مستمر لو كان في اي شي ولدي تحسن النطق عنده يسوون رحلات هادفة وحلوة يهتمون باكل الطفل انا اسوي له وجبة اطرشها ولو ما كل هم يعطونة أكل و يأكلونة و يعطونة واجبات ويبدلون له لو وصخ ثيابة السلبيات ما شفت عليهم قصور

up up up

السلام عليكم و رحمة الله و بركاته ….
موضوع وايد حلو و كلنا بنستفيد ان شاءالله انا بعدني ما دخلت ولدي الحضانه بس ناويه ان شاءالله ادخله لما يكمل السنه و ان شاءالله هالتجمع بيفيدني وايد ..

اتمنى حد يتكلم عن حضانات العين
مشكوره حبيبتي cobon ع هالموضوع تسلمين

استغفر الله و اتوب اليه