رمضان كريم على اهل الامارات الشقيقة انا عضوة جديدة من مصر وحبيت اعمل موضوع وافيدكم بتجربتى وعنايتى ببشرتى قبل العيد
كى تكونى فلة شمعه منورة 
اول حاجة هبداء بالايدين لانها رمز البنت الجميلة بتنعرف من ايديها
ندخل فى الموضوع بقاااا
1_ الوقاية :_
الوقاية خيرا من العلاج حاولى متعرضيش ايدك كتير للحروق والجروح
دايما فى المطبخ البس جوانتى وانتى بتقلبى الاكل او وانتى بتطلعى حاجة من الفرن علقيه فى المطبخ واوعى تستهونى بالجوانتى ده بيحميكى من كوارث الحروق والله خالي روووتين
غسيل المواعين :-
مصيبة بنعملها فى ايدينا نعرضها للمنظفات والصابون المواعيين ده بيسمر ويبوظ الايد
تحذيييييييييييييير كبير منه اول ماتغسلى المواعين تلبسي الجوانتى ده برضو يبقا روتين عندك فى مطبخك وبتجيبى منه كيس كبير فى كمية من جوانتى رخيص جداا يعنى مش هيكلفك خالص
ملحوظة مهمة بجد :
الصن بلوك زى مابتحطى فى وشك حطى على ايدك كمان وانتى خارجة او انتى واقفة فى المطبخ اودام النار وبتقلبى عشان يحافظ على ايدك من السمار
3_طيب اتحرقتى فى المطبخ لازم فى كل بيت يكون موجود كريم ميبو اشهر كريم للحروووق وممتازززززززز بجد بيضيع اى حرق اوعى تسيبى ايدك لغاية ماتعلم وتسيب اثر مش لطيف
كريم ميبو مممتازززز للحرق
حطى كريم التفتيح بتاعك على ايدك ولفيها بى ورق سوليفان سبيها كم ساعة الموضوع ده بيسرع عملية التفتيح اوووى ورق السوليفان بيساعد على امتصاص الجلد للكريم التفتيح بسرعة جداا فابيبان النتيجة اسرع وافضل
لو دهنتى ايدك كريم مرطب ولبستى الجوانتى ونمتى اتفرجى بقااا على جمال ايدك تانى يوم والنعومة والبياض والله وهوريكوووا صورة الجوانتى وشوفت الدكتور عاصم فرج قال على الجوانتى القطن بعد المرطب سحر
للاسف مش عارفة انزلكم الصور اعذرونى لسه جديدة
فى خلطة للايدين بعملها دايما هى كريم مرطب وزيت لوز حلو وفازلين وبفتح كبسولات فيتامين E معهم وزيت جنين القمح
ممتازة الوصفة دى نعومة وتفتيح وجمال
دى نصايح بالنسبة للايد
نيجى بقا للوش روتينى كالاتى
صابونة لايت اب تحفة للتفتيح بغسل وشى بيها دايما وصابونة ملح الحليب كمان ممتازة وصابونة الكركم المشهور بتفتيح
وبستخدم كريم مون لايت مرتين فى اليوم للتفتيح
وكريم مرطب 21 ممتاز
وبعمل مسكات حلوة اوى كل يوم
مسك الطمى المغربى على زبادى ممتاز
كمان السدر المطحون مع زبادى روووعة
ومسك لترطيب وتفتيح البشرة نصيحة منى جربوا مش هتندموا وهو كريم المرطب بتاعك اللى بتستخدمي حطى على عسل معلقة كريم ومعلقة عسل ابيض وتحطى على وشك ربع ساعة روووعة المسك ده بجد هتلاقى وشك صافى وناعم وافتح
اهم حاجة تشربوا مياه كتير مفيدة للبشرة ونضارتها وفيتامين سي معروف انه بيساعد فى عملية التفتيح ممكن تشربى كل يوم عصير برتقال او تاخديه فى صورة فيتامين
الشاى الأخضر له طريقتين فى تقليل انتفاخ العين :
1 — تاخدى كيسين شاى وتحطيهم فى ميه سخنه لنين لحد ما لون المية يتغير
بعدين تطلعيهم وتحطيهم فى الفريزر لمدة ربع ساعة وخديهم حطيهم تحت عيونك .
انآ جربتها بجد حسيت بفففرق رهيب وتحسى تحت عينك مرتآح ^
جربوا فى العشر ايام دول ان شاء الله هتبقوا احلى البنات على عيد وهتقوفى فى المرايا تقولى يا جمالو يا جمالو هو ده بالمصرى هههه
وموضوع حلو ومفيد ما قصرتي
بالنسبة للصور لازم يكون حجمهم مناسب مش كبير
وتحمليهم على موقع تحميل للصور
وبعدين تنسخين الرابط وتحطينه في مربع الصور اللي فوق مكتوب عليه ادراج صورة
اذا ما عرفتي قوليلي بشرح بتفصيل اكثر
المشاركة الأصلية كتبت بواسطة رسايل غلا 
وموضوع حلو ومفيد ما قصرتي
بالنسبة للصور لازم يكون حجمهم مناسب مش كبير
وتحمليهم على موقع تحميل للصور
وبعدين تنسخين الرابط وتحطينه في مربع الصور اللي فوق مكتوب عليه ادراج صورة
اذا ما عرفتي قوليلي بشرح بتفصيل اكثر
تسلمى يارب شكرراااا كلك زووووق
وعجبني اكثر شي كلامج عن العناية باليدين