الله يخليكم انا بشرح لكم حالتي بالتفصيل ووحامي الزفت دخيييييلكم الي تعرف علاج تقولي يعني اتمنى القى حل عندكم
انا توني 7 اسابيع من الحمل الحمدلله . وهذا 3 حمل لي ..
وحامي غيييييييييير ..
صح اني ما ارجع وايد واحسن عن غيري بوايد لكن شوفوا حالتي ..
كله متلوعه وبطني تجلب .. وكل مابا ارجع يطلع مني بس اصوااااااااات يعني ارجع هوا بشكل رهييب
دوم احس اني بالعه درهم وواقف لي في حلجي .. احس انه بطني منقسم 3 اقسام منتفخة ملوعة علي .. حلجي مسدود معدتي منتفخة ومكان الحمل ..
اكره اتسبح واكره الماي لا احب اشربه ولا حب اتسبح بعد اغصب عمري ..
لو حد متسبح ودشيت وراه الحمام او شميت ريحه النظافه من شامبو وغيره اتلوع بشكل ياربي اموت .. ( مصاخة صح)
حتى وانا راقده واتجلب اقوم متلوعه وابا ارجع بس مارجع
اكره ريلي .. بس والله متحمله وساكته يعني ابتعد عنه بهدوء بعد ماكنت كله عنده .. هو ييلس في صوب وانا في صوب
المطبخ مادشيته من اسبوعين ما طبخت ولا ابا اسوي شي ابد
يعني حياتي كامل اتوقفت زين اني اشوف عيالي صح انه غيري يطيحون في المستشفى .. بس الحمدلله على كل حال انا مب محصله شي يخوز الي فيني
حتى الحموضة والحرقان بادي فيني من الحين اتخييلوا وثقل رهيييييب
حبوب النفادوكسين ما تسوي لي شي .. ترقد
دخيلكم لو تعرفون شي له مفعول .. لا تقولون لي ملح وحامض ما اشتهي شي مموووول
اي شي اكله يتم طعمه في حلجي لين اكل غيره ويوم اكل غيره يتم بعد اغسل اسناني ما تفرق يتم طعم المعجون في حلجي وهالي يسبب اللوعة
وايد وايد اشياء ما اعرف شو اقول وشو اخلي لو اني ارجع برتاح لكني ما ارجع كل شي واقف فيني
لو اعرف ابره تخوز الوحام اخذها لو بكم تكلفني بس وينها 
.. عليج بال navidoxine بس يوم بتكملين 12 اسبوع عشان الياهل ما يصيرله شي الله يحفظه و ال شابوره او الزنجبيل على الرييق.. الله يعينج!!
الزنجبيل حار موت جربت اكل قطعه صغييره ما تسوي شي ولا الموالح تسوي شي
أأدري بتقوليين ماامنهاا فااايده وترقد ..
بسس .. يووم بتنااميييييييييييييييييييييييييييين .. وانتي ع الفراااش فليل اكليهاا وارقدي .. واذا الصبح اول ماتقومين يااتج لووعه خبريني .. 
ماادري شوو اسم الحبوب يمكن هي نفسهاا الي قلتي عنهاا ترقد ..
بس انتي جربي الي اقووله وان شاء الله بترتاااحين .. 
الله يخفف عليج انشاءالله
صراحه ما خليت شي ماجربته
بس مووووول ماشي فايده
الشي الوحيد اللي شوي فادني
شوي مب وايد حليب زنجبيل
بس لاتكثرين من الزنجبيل وايد
لا يسويلج حارج…
وانا الدكتورة قالت لي اكليها قبل الاكل اول ما انش من الرقاد بنص ساعة ماعرفت لها
ويوم شفت ما منها فايده هديتها .. كسرت جسمي على الفاضي
شكله مافي حل للوحام الله المستعان