بنات يزاكم الله خير …ودي أتعلم السواقه المشكله إني أنا من الشامخه ….ودورت حد يعلمي ماشي
واذا شي وهذا بصعوبه ايكون غالي وايد….فياليت إللي تعرف ويكون جريب من الشامخه وترضى تي
اتخبري عن حد جريب ايعلم السواقه والله العظيم إني محتاجه وايد …زوجي دايما يسافر وهلي من
منطقه بعيده …وانا وعيالي ابروحنا مالنا غير الله في هالمنطقه…
وإللي متعلمه اتخبري شو المطلوب لاني سمعت إنه لازم أروح مدرسة تعليم …ياليت اتخبري كل شي
بالضبط ….وإللي بتخبرني مقدما أقول لها أسأل الله العظيم رب العرش الكريم أن يغفرلها ويرحمها
ويرزقها من حيث لا تحتسب ويبعد عنها كل هم وغم برحمتن منه ورضوان
بنات ادخيلكم لك أخت في الله محتاجه ساعدوني والله إني في أمس الحاجه
طالبتنكم طلبه يا بنات العرب لا اتردوني
أنا اختي متدربة ع السواقه في بوظبي واتخبرتها
عن الطريقة وبقولج اياها يالغلا أول شي لازم تفتحين
لج ملف في المرور وبيخبرونج عن الاجراءات هناك
والمطلوب خلاصة القيد صورة أصلية وصورة جواز السفر
وموافقة ولي الأمر و100 درهم وصور شخصية
ومن عقبها تسيرين مدرسة الإمارات لتعليم قيادة السيارات
مع ابراز بطاقة التدريب والدفع هناك 780 درهم للدراسة النظرية
وعقبها تتفقين مع وحده تدربج بالساعه والساعه بـ 50 درهم مع التوصيل
هاللي عندي والسموحه
~::~
انا مدربه في رأس الخيمة ومثل ما قالت الاخت الحور الغيد تسيرين المرور تفتحيلج ملف
و تخلصين الاجراءات عندهم ، وعقب تسيرين المدرسة الي تبغينها وتاخذين الاستمارة معاج
تدربين اول شي داخل وتقدمين تراي في المرور يوم تنجحين تدربين في السوق وعقب بعد تتمتحنين
وتاخذين الليسن ،،، والساعة ب 40 درهم مع التوصيل (جير اتماتيكي )
بس بعد ما تسجلين عندهم اعتقد في دروس شفوية لازم تقدمينها بالمدرسة
وبعدها دروس عملية بس انتي واختيارج تحبين تكملين العملية عندهم او تتفقين مع وحده ادربج بالساعه خارج المدرسة والساعه مثل ما قالت الاخت بـ 50 بس الله يعينج المنطقة الي انتي فيها بعيدة شوي
الحمدلله خذيتها قبل فتح المدرسة بسنة :1 (80): ربج ستر
بس كملن معروفكن وخبرني عن وحده ترضى ادرب بالشامخه
لانه مثل ما تعرفن انها منطقه بعيده
ادخيلكم لاني لاني دورت وايد وماحصلت والوحيده إللي وافقت قالت لي 200 درهم بنص ساعه
وهب كل يوم يعني كل ثلاث أربع أيام …
صراحه قلت ما بتفيدني برايها اتولي وبدورلي وحده ثانيه لكن للاسف ما حصلت
يااااااااااااااليت ياليت اتعرف اخبرني لاني والله محتاجه وايد
بعده عندي أمل حد يساعدني ….
والسموحة