السلام عليكم ورحمة الله وبركاته
أريد كل وحدة تشرح لي وجهة نظرها من خلال تجربتها أو من خلال ماسمعت من الناس إللي قريبين منها.
الأخ ليش إذا تزوج انقلب على أهله وأخواته وأحيانا أمه 180 درجه أحيانا التغير يكون للأسوء أي بعد زواجه يتغير عليهم ويصبح إنسان آخر لايدافع عنهم أمام زوجته ويصدق فقط كلام زوجته يمنع أخواته من الخروج وأشياء أخرى يمنع أخواته من الخروج وزوجته تخرج يمنع أخواته من أشياء لكن زوجته تفعل نفس الأشياء والأمر عادي لزوجته حلال وأخواته حرام ويصبح لايوديهم ولايجيبهم مشغول عنهم دائماً كل الإهتمام لزوجته يسمع كلام زوجته فقط.
بعض الإخوان بالعكس يتغير الحمد لله للأحسن يكون طيب معهم يسمع كلامهم يساعدهم يوديهم ويجيبهم يلبي طلبات أخواته وأمه ولايرفض طلباتهم ومع زوجته أيضا يكون طيب وحبُوب.
ماالسبب الذي يدفع الأخ ليتغير للأسوء بعد زواجه هل السبب زوجته لم تحب أخواته وأمه مع أنهم طيبين معها.
الرجل إللي مافيه خير لأهله مافيه خير لزوجته.
حسب نوع الحرمه.
الحرمه إللي إتغير الرجل .
ما تسمعين يقولولج ياما رياييل صاروا زينين بعد الزواج وتغيروا والبعض منهم رياييل صاروا أسوأ عن قبل.
من الحرمه .
يوجد حريم يشجعون رياييلهم على بر الوالدين ويحبون أخواته،ويحبون الزيارات والطلعات وياهم.
الحرمه إللي ما تحب أهل ريلها تحاول تبعد ريلها عن أهله وتجعله يكره أهله.
الرَيال يوم يشوف حرمته ما تحب تزور أهله، يحاول ما يخليها تحضر وياه دائماً وهو بيقلل زياراته أيضاً.
الرَيال إذا شاف حرمته بارَه بأهله يحبها.
منقول.
حسب كل زوجه في اللي تنصحه انه يكون بار وفيهن لا
بس الأخ لازم يحط حدود لمثل هالحرمه انه هذيل أهلي وخط احمر
ترا مب كل الزوجات يبعدون الريال عن أهله
بالتوفيق
وايد رياييل يتغيروون على خواتهم مب لان الحرمه غيرته لا لان يشوف كيف خواته يعاملون الزوجه .. بكلمج عني انا على سبيل المثال انا وايد اعاني من اخت زوجي…حتى تفرق بين عيال اختها وعيال اخوها وعيالي انا لاني بكل بساطه ماحبتني من دخلت البيت والباقيات عسل!!!! انا اشوف ريلي يعامل خواته زين!! الا هذي الاخت.. لانها مب زينه معايه
بليز اخوات الزوج حلوا عن اخوكم و حرمته .. هذه بنت الناس .. و خلوهم ف حالهم يعيشون .. و عيشوا انتو حياتكم بعيد عنهم … لا تقطعون العلاقة .. لكن بدون تدخلات … لانج يا اخت الزوج بيدور عليج الزمن و بتكوني زوجة اخو فعاملي حرمة اخوج مثل ما تحبي اخت زوجج تعاملج بالمستقبل و كما تدين تدان …