البارحة في تمام الساعه10والنص من مساء يوم الخميس الموافق 12-12
قررنا انه انروح نشوي فالبر
معنه هالمشروع كان مقرر انجازه في شهر 10^___^ بس الظروف ما اسمحت
المهم اعددنا العده وتوجهنا الي طريق الامارات عبدايته
مقابل مقر جامعة الاتحاد قبلها بشوي عند اول مخرج
من بعد ما تمينا ساعه تقريبا ونحن انحوس وانحوس عسب اندور مكان زين ومافيه عوايل
للأسف اتوغلنا فالبداية داخل البر مما ادخل الرعب الى قلب اخوي فبادر الى الرجوع خصوصا وانه اخوي الثاني كان لاحقنا بسيارته الصغيره وشال وياه الاغراض واتخوفنا من ان انغرز فالدرب
فالنهاية سمعوا كلامي وساروا باتجاه المكان الي انا من البداية اقترحته ^__^
عبالهم بنت والواحد ما ياخذ عشورها والله حاله^___^
المهم ردينا رجعنا عأول المخرج وكان الخال الحبيب متواجد اهناك عسب نشله ويانا
وردينا حددنا المكان وفالنهاية استقرينا مثل ما قتلكم جريب جامعة الاتحاد
مابطول عليكم بتركم مع الصور والسموحه عاد كون التصوير من التيلفون واحتمال ما توضح الرؤية عند البعض ^^
اهنا مكان ما وقفنا وبتلاحظون المخرج
برزنا وفرشنا 3حصران وقمنا لبقنا الضور
لقطة لوقت انتظار الحطب لحين تحوله الا ملبق وتغير الفحم الا جمر
الخال في لحظة انتظار موعد الشواء ((الجو حده كان بارد))
ولقطة اخرى ^__^
قعدنا انقرقر انا وهو والاقي الاخ سرحااااان في عالم ثاني <<<<<ماشي شغله الا اتصورين قمت وخليته يتأمل ^__^
ما علينا اهم اللقطات يايه فالدرب ^__^
يا سلام عالبنات وهن يجهزن لسياخ
لاحظوا وحده امبينهم شاله ليت خايفين الا انشك عمارنا بالسياخ
اخس شي انه اللحم كان بارد ثلج وعهالجو ….ايدنا راحت وطي
ياااااعيني عالتكة لحم ودياي والعرايس من صوب اووووف شي عجييب
خايفه على ايدها من السيخ ههههه
الله اهنا صدق عذااب ^__^
بالله عليكم شو رايكم فهالصوره ؟
الذرة تتريا دورها فالشوي
العايلة الكريمة
فاجأنا موتر نيسان وقح !!!!! نعم وقح
يعني شايف عايلة وياي صوبنا ولأمب جذا ياي لازق فينا
جان اقول حق خالي شو هالأوادم؟!!!!!
تم يظحك
طلع اخوي الثاني ياي ^___^ وكانت احلى مفاجأة ما كنا متوقعين انه بيي وبالاحرى كيف عرف مكانا؟!!!!! لين احين هالسؤال يدور فبالي
نسيت اصور هالجماعه كانوا مقابلنا بس على بعد مسافة منا كلهم شباب من جذا ما اتهنينا كل شوي وياي حد من ربعهم الله يحفظهم وكل واحد ياي امخمس وراد امخمس!!!!!!!عشو عاد؟!!!! الله يهديكم
ترتيب للبقعه قبل العشا
سفرة محتاية للي ينقض عليها ^__^
وسلامتكم
حسيت اني وياااكم ^___^
والله كشششششششششخه
جان خذتيني وياج
خخخخخخخخخخخخخخخخخخخخخخخخ
ماشي احلى من يلسة البر والله …