تنظيم الحفلات للأطفال (عجمان.الشارجه.دبي) 2024.

السلام عليكم..

بنات اتمنى اتفيدوووني.. لأني ابا ضروري هاليومين لأني ماباجي شي عن حفلة نثور ولدي فديته

ابا مكاتب تنظيم الحفلات جربتوا شغلهم.. ابا الحفله تطلع غير يستانسون فيها اليهال..

اهم شي عندي اللي ايسوون مسابقات اليهال ايكونون واايد اوكي ويربشون اليهال..
وشخصيات حلوه بعد سواء من الرسوم او المهرجين..

واي مميزات ثانيه.. يعني بالأحرى ابا وحده مجربه او سمعت عن مكان اوكي..

في الشارجه او عيمان او ام القيوين مب مشكله..

اترياااكم.. ماشي وقت.. بس اسبوع..

بس صدددق ابا شي غيييييييير.. يعني ابا اليهال يطلعون من البيت وهم مستانسين وااايد..

علما اني بسوي الحفله في البيت بس ابا اللي ايرتبون بالبالونات وهالسوالف.. ومسابقات..

اكيييد فهمتوووني شو اباا..؟؟ صح..؟ واهم شي الشغل حلووو والأسعار حلوووه..

الغاليه .. انا جد اتعاملت مع محلين .. بس كلهم في دبي …. الاول في مركز بن سوقات اسمه fun corner يوفرولج كل شن واااحد الين 10 بس كل شي بحسابه …
و الثاني اسمه frenzy و هذا صدق روووووووووووعه .. راعيته و حده مواطنه … اييبولج اي شخصيه مال ديزني انتي تبينها … و يسوون pop corn , cotton candy , chocolate fountain , jumper, face painting, dj … و تزيينهم واايد حلو .. و حتى في ولادتي هم زينولي الحجره … و مكانهم في الجبرات اللي حذال برج العرب و انتي سايره من شارع الامارات …

انشالله البنات يفيدونج … بس بتحصلين في الوسيط واااااايد

لوسمحتي ممكن اتخبرينا باسعارهم وممكن ارقامهم بعد

الغاليه ممكن اسعارهم

بالون ليدي

والله الاسعار على حسب انتي شو تبين … و عدد الاطفال … عموما اسعارهم غاليه شوي … بس يفكونج من العباله و المراكض هني و هني و عقب تطلعلج النتيجه مب مثل ما تبين …. وشغلهم يجنن …