خواتي الغاليات في المنتدى ، أنا بنت عمري 26 سنة أنحكم علي العيش طوال عمري بهم المسئوليات وتعب الحال ، تزوجت قبل 7 شهور من شخص حبيته وحبني بجنون والحمد لله الله عوض صبري فيه خير .
حالتي الحين أحسن بوايد ، معززة مكرمة كل اللي أطلبه يجيني ، بس أنا مثل المتخدرة ،أنام وأصحى على ضيقة الخلق والملل والفراغ .
مااشتغل ( مو راضي أشتغل-مع إنه يسعالي بالوظيفة)
ما أدرس ( مو عارفة شنو أدرس ولا شنو رغباتي أصلا)
ما حملت للحين
أحس أن حياتي تغيرت الحمد لله ، بس أنا مو مرتاحة ، شكثر جعدت وياه وكلمته يا روحي أنا كنت أشتغل واصرف على أهلي وأروح وأجي بس الحين قاعدة بالبيت حتى شغل البيت ما اعرفة ، تعلمته بس ما أطيقة ، إنت كنت تحب اسلوبي وطريقة عملي .
أحس إني مختنقة الله يشرح صدرها اللي تحاكيني وتساعد
وسلامتكم
ناس تشتكي العنوسة والناس متزوجة ومرتاحة وما تعرف شو هي مشكلتها!!؟
اختي اقري قرآن وأشتغلي في البيت وادرسي كملي دراستج وخلي عنج الملل والكسل وهالسوالف انتوا الاثنين بتبنون اسرة ولازم كل واحد فيكم يكون قد هالمسؤولية وما فيها كلام ملل وكسل وما اعرف شنو ابي.. حاولي انج تحددين احلامج وطموحج وتسعين له.. لا تصيرين شرات الورقة في الشيرة تاخذها الدنيا مثل ما تبي من دون ما يكون عندج هدف في هالحياة
قبل كنتي تشتغلين واللحين بعد الزواج لا ..
تعرفين الي تدرس وتشتغل يقول ياليتني قاعده في البيت مجابله ريلي ..
اختي عيشي حياتج انتي تقدرين تخلقين من الملل شي يفيدج ..جابلي ريلج عندج وقت له دامنه ما تدرسين او تشتغلين من تشغلين نفسج بشي خارج نطاق منزلج بتحسين بحاجة لأنج تجابلين بيتج ..
تعودتي على الشغل وفجأه تركتيه ..بس اقول لج دامنه ريليج مريحنج في حياتج وباجر ان شاء الله الله بيرزقكم بعيال بتنشغلين وياااااااهم وبتقولين الله على ايام الملل والفراغ ..
اللحين اشغلي وقتج بنفسج واعتني بنفسج وبريلج والله بيرزقج بالذرية الصالحــة الي بيشغلون حياتكم
تعرفين شكله يغاار عليج وااايد من كثر حبه لج عسب جيه ميباج تشتغلين
بس انتي حاولي معاه قليله انج بتقدمين بوظيفه كلها بنات
ومافيها واايد شبابا ويكون لج مكتب خاص
وقليله انج مضايقه واايد عسب يتفهم وضعج
وسمووحه ماعندي افكار واايده لاني ماعندي خبره وااايد بهالسوالف
لانه خطيبي بعد قالي يووم بنعرس تبين تتشتغلين ولا قلتله الراي رايك
قالي خلاص ماشي شغل وقالي اذا تبين بدولج مكان كله بنات
مع انا الحين نشتغل في نفس المكان والمكان مكس
بدايه احمدي رب العالمين اللي يستحق الحمد لعى كل الامور وفي كل الاوقات
وثاني شيء دامه يحبج ومعززنج ورازج فانا اعتقد الدراسه بتكون انسبلج من الشغل اقلها شيء لو يبتي عيال بتقدرين توقفين لكن الشغل بتتغربلين وبتدخلين في متاهات
جوريلج كلية او معهد تدرسين فيه طبعا عقب ما تتفاهمين وياه على هالشيء
والله ايسرلج الامور
دام كل شي تبينه يوصلج
و ريلج يحبج و تحبينه ليش تتظايقين؟؟؟
ما يبيج تشتغلين حاولي تقنعينه رفظ .. خلاص هذا ريلج جنتج و نارج
تحملي كل شي عشانه
شو تبين بالوظيفه و عوار الراس
ربي يرزقج بالذريه الصالحه عشان ما تحسين بالملل
حبيبتي ريلج يحبج و يبا يريحج هو يعرف انتج تعبتي وااايد ويا الوقت اللي تسترحين فيه عشان جي اشغلي وقتج بشي تحبينه مثلا ادخلي دوره تحفيظ او كومبيوتر اومكياج او رسم او……. او سويلج مشروع في البيت اواطوعي في عمل خيري و لا تنسين تنظمين جدولج بحيث تخلين وقتلربج ووقت لج ووقت لزوجج ووقت للبيت (طبخ غسيل…) ووقت لهلج وصديقاتج وجي بيمر يومج بسرعه بشي مفيد. وتعوذي من الشيطان اللي من يشوف الواحد فاضي يحاول انه يزعله. وان شاء الله يرزقج بالذريه الصالحه اللي تملي عليج وقتج…
الله يوفقج