السلام عليكم
بنتي عمرها تقريبا سنتين و اريد ادخلها حضانة بدل اليلسة مع الخدامات
و زرت حضانة بارني في خليفة ب و حسيتها زينة و الجو كان هادي بشكل
عام و دخلت الفصول و شفت طريقة التعامل و التدريس بشكل سريع
و كان مناسب الحمدلله
بس حبيت اطمن اكثر اذا وحدة عندها تجربة او سامعه عنها تفيدني اكثر
هذي اول بنت و الكل حواليني معارض فكرة الحضانة بس انا و ابوها
مقتنعين
انتظر الرد
شوفي حبيبتي وخذيها نصيحه من اخت اذا خداماتج اوكيه وثقه مافي داعي اتودينها الحضانه لان بنتي يوم صغيره كنت اضطر اوديها الحضانه لاني اداوم وماعندي خدامه واهلي بيتهم بعيد عنا والله لايرويج اني اوديها صاحيه اترد فيها حمى او ازجام او مريضه باي مرض ايكون في حد من اليهال هناك فالحضانه وايعاديها يعني ارد اوديها البيت سهر ولعواز وامراكض عالمستشفيات وادويه ومااستفيد شي كله اجازات من الدوام وعقب يبت خدامه وخليت اختي تيلس معاها فتره لين ماارتحت لها وشفتها حنونه على بنتي وافتكيت من عوار الراس يعني فلوس البهدله اللي كانن حق الحضانه عطيتهن الخدامه وانا مرتاحه هذا رايي وشوفي بعد اراء الحريم يعني كل وحده وتجربتها
ان شاءالله يفيدووووونج
المشاركة الأصلية كتبت بواسطة دلوعة عجمان 
شوفي حبيبتي وخذيها نصيحه من اخت اذا خداماتج اوكيه وثقه مافي داعي اتودينها الحضانه لان بنتي يوم صغيره كنت اضطر اوديها الحضانه لاني اداوم وماعندي خدامه واهلي بيتهم بعيد عنا والله لايرويج اني اوديها صاحيه اترد فيها حمى او ازجام او مريضه باي مرض ايكون في حد من اليهال هناك فالحضانه وايعاديها يعني ارد اوديها البيت سهر ولعواز وامراكض عالمستشفيات وادويه ومااستفيد شي كله اجازات من الدوام وعقب يبت خدامه وخليت اختي تيلس معاها فتره لين ماارتحت لها وشفتها حنونه على بنتي وافتكيت من عوار الراس يعني فلوس البهدله اللي كانن حق الحضانه عطيتهن الخدامه وانا مرتاحه هذا رايي وشوفي بعد اراء الحريم يعني كل وحده وتجربتها
تدرين انا شراتج وما ارتحت الا يوم اختي انتقلت بشقة جريبي وقمت اوديها عندها باشراف من الشغاله والحمدلله وايد تهتم
أنا بعد أفكر اسجل ولدي فالحضانة بس الصراحة مترددة وايد
حتي انا افكر أودي بنتي حضانة بارني بس سعرهم غالي
الغاليه أتوقع انت تقصدين حضانة بارني اللي في خليفه ا لان ولدي فيها وبصراحه والحق ينقال ألحضانه وايد أوكيه و أنا جداً مرتاحا معاهم مواعيد اكله ونومه كل مرتبيله اياهن و اذا الولد كان تعبان يراعونه اكثر عن غيره و ما يخلونه مع اليهال وينتبهوله و أنا ولدي جسمه جداً حساس وهم عارفين بها لشيء و المسؤوله عنهم وايد فنانه يعني باختصار ألحضانه ما عليها كلام و أنا حتى لو خدامتي أوكي مستحيل يرتاح بالي وأخلي ولدي عندها نو وأي