حل لتوقيف الاسهال ): 2024.

مساء الخير

ولدي من4 ايام اسهال شو الحل وديته المستشفى عطوني املاح بس….
تتعبت خلااااص وهو ذوى …
اعطيه ماي العيش وبطاطا مافي فايده

اللي عندها خبره تفيديني

ويزاكن الله خير

الغاليه كم عمره ولدج ربي يشفيه
وهل في عوارض مصاحبه للاسهال مثل الحراره المغص الخ

الله يشافيه
حبيبتي عطيه ماي نخالة العيش
واذا تعطينه صناعي بدلي ملعقة حليب بملعقة نشا لانه يمسك البطن يعني إذا تسوين له اربع أرقام حليب خليهم ٣ أرقم حليب والرابعة نشا
ان شاء الله المعلومه تكون وصلت لج
واذا ولدج عمره أكثر من السنه ممكن تعطينه دوا كبيتان للإسهال أو اسألي الدكتور إذا ممكن يأخذه وهذا الدوا وايد أوكي بسرعه يمسك البطن بس أنا اعطي اعيالي بوصفة طبيب

شوفي اذا كان الاسهال بريحه كريهه >< يعني هذا فايرس
انا بنتي ياها نفس الشي وما عطوها غير املاح و دوا كابتين وقالي الفايرس لازم يتم اسبوع وعقب بروحه يروح بس لازم اتعوضينها بالسوائل عطيها المحلول و نخالة العيش وشوربات و باذن الله بيروح بروحه

انا يوم ياها ما خليت مستشفى ولا دكتور في بوظبي ما وديتها وكلهم قالولي نفس الكلام حللوا البراز وقالوا سليم مافيه شي بس هذا فايرس منتشر ولازم اتعوضينها بالسوائل عسب ما يصيبها جفاف..

صح نسيت اخبرج وقالي الدكتور انا اروم اوقف الاسهال واعطيها ابره بس بتم الجرثومه بجسمها لازم تطلع بالاسهال

اختي اذا ابنك بياكل يعني اكبر من 6 شهور جربي عطيه تفاح او اذا عرفتي تنزلي كارفور جيبي دبس الرمان ممتاز جدا للاسهال بناتي بسرعه يتحسنوا عليه
بتلقيه عند انواع الخل انا جبته نوع اليمامه اسمه بس فعلا سريع المفعول

الروب والنشاء وايد زين للاسهال
حطي ملعقة نشا في الروب وعطيه
والله يعافيه يا رب