المقادير :
1 كوب شوفان
1 كوب حليب بودر ( نيدو )
1 كوب جوز الهند او نص حسب اذا تحبون وايد او اقل
1 علبة حليب مركز
الطريقة :
تحطين في قدراو تاوة تيفال الشوفان والحليب ..
وتحطينه على نارهاديه وخليهم يتحمسون
وكل شويه حركيهم عشان مايحترق من تحت بملعقة خشب ..
ويوم تحسين خلاص اتحمس واتغير لونه حطي عليه الجوز الهند المبشور وحركيهم وخليه شويه ..
عشان يتغير لونه
ممكن تخلطين المقادير كلها مع بعض من اول مره
عقب اتضيفين عليه الحليب المركز. .. بتظهر نفس النتيجة ..
ويوم تحسين خلاص اتحمس عدل ولونه صار حلو والريحة الحلوه فاحت ..
حطي عليه الحليب المركز وحركي عشان مايجمد وعقبها ..
كوريهم وحطيهم في اكواب الورق في صينية الكب كيك عشان الشكل يكون متساوي ويوم تخلصين بصبعك سوي فتحة في النص واحشيه كاكاو نوتيلا او اي حشوه ثانيه من عندج ورشيه بالفستق المبشور
او حشوه بكاكاو نوتيلا وممكن جوز او بندق او تحطون ..
اي نوع مكسرات وممكن تحطون بندق وتسون فوقه خطوط كاكاو ..
بالعافيه عليكم ،،،
وبعد ما يخلط مع الحليب المركز يكور وينحط في قوالب السليكون اللي على اشكال صغيره او في قوالب الثلج ثم يخرج من القوالب ويزين بخطوط كاكاو نوتيلا
