السلام عليكم
قصتي يالغاليات اني كنت مركبة اللولب العادي وقدر الله بعد سنه انه يطيح واحمل …. الحمدلله
وانا ادور بالموانع شفت ناس تمدح الهرموني وتقول انه افضل من العادي
وانا العادي وايد بهدلني في غزارة الدم وطول ايام الدوره !
ما ادري اذا فيه اخت جربت الهرموني او جربت اللولب بعد ما حملت عليه !
ولو تنصحوني بدكتوره شاطره بتركيبه بأب اماره مو مشكله … المهم ارتااااااااااح
بانتظاركم وجزاكم الله خير
الهرموني الدكاتره ماينصحون فيه لان يلعب بالهرمونات .. واغلب اللي ركبووه كرشهم ومتنوا بعد .. استشيري لج كم دكتورة
أختي أنا من اسمه ما ارتحت له،،،
هرموني؟؟؟
أكيد بيلعب لج في الهرمونات معناته
بروحها هرموناتنا ما يبالها من يلعب بها ههههههههه
هرموني؟؟؟
أكيد بيلعب لج في الهرمونات معناته
بروحها هرموناتنا ما يبالها من يلعب بها ههههههههه
و هذا رأيي
و أتمنى الأخوات يفيدونج زود
مشكورات خواتي على الرد
طيب تنصحوني بأي دكتوره اقدر استشيرها من دون ما تكون استغلاليه
لانه الهرموني أغلى وأخاف استشيرها تنصح فيه بس علشان الفلوس ؟؟؟؟
اي امارة انتي؟؟ عسب البنات يفيدونج؟
جربي تروحين للدكتورة ناديا جاسم مركز ناديا الطبي او د. نوال الخالدي في المركز الاوروبي الكندي و استشيرهم و اذا بيضرج ما بيحطون لج
ما تشووفين شر
ما تشووفين شر
استخيري قبل أختي