ها شو الحمل وياكن.
المهم قلت فتح صفحه يديده وبكتب شو بديت أسوي قبل لا أولد
انا الحين نص الثامن
وتعبانه خلاص. لانه برا البلاد وبروحي اطبخ وريلي ساعدني وبناتي معاي. وماشي طبعا شغاله. ومن غير الوالده المستشفى اعابل حقها.
المهم خلوي أخبركم شو أسوي علشان كل التعب يروح
والحمد الله من يوم حملت لا سمريت ولا طلع لي كلف. بخبركم شو سويت من حملت
اول اشهر ولين الحين شو أسوي ببشرتي وجسمي
كل أسبوع خلطه طبيعيه كامل جسمي عاد أفهموا حتى ظهريه
@. الخلطه الأولى
كركم من العطارية
روب
زيت اللوز
ماي ورد
بيضه
اخلطهم عدل وإخليهم بجسمي لين ينشف. وعقب بحركه دائرية اقشره واتسبح عادي
الأسبوع الثاني الخلطه الثانية
حنا بيضه أو حنه البلاد انا مره هاي ومره هاي
زيت اللوز
ماي ورد
ياس
وأخليه على جسمي لين ينشف وعقب حركه دائرية
الأسبوع الثالث
سدر مطحون
ماي ورد
وزيت اللوز
الأسبوع الرابع
صندل من العطارين
ماي ورد
زيت اللوز
بيضه
وأخليه بجسمي لين ينشف واقشره بحركه دائرية.
والحمد الله لا طلع لي كلف ولا اسمر جسمي ولا شئ وكله ناعم
ويوميا قبل لا راقد. أدهن جسمي بزيت السمسم مع مساج خفيف حق ريالي وعادي بروحج سويه.
وأسبوعيا أدهن راسي زيت زيتون يوم الخميس قبل لا راقد
@@@@@@@
من دشيت الثامن اسوي البانيو مع الخلطات كل اسبوع مره
وبديت اقعد في ألبانيو
أحط ماي في ألبانيو. كل أسبوع مره بعد الإجهاد والتعب
ملح ورق زعتر كميه وفيره. واحط المائ الحار وايد ينصب عليه لين يتغير لون المائ يستوي اخضر.
أخلي شوي المائ يبرد لانه ما بتقدر ين وهو حار.
وتقعدين فيه لين يرتاح جسمج. وعقب حجي ورق الزعتر بجسمج وسوي مساج براسج بالزيت زيتون
عقب اتسبحي عادي. وريحتج بكون جنان وجسمي يرتاح
ومن اطلع من الحمام. أكون مسخنة زيت زيتون.
واسوي مساج كامل للجسم. طبعا كل وحده تحط ريلها أو أي حد الصراحه احط ريلي يسوي لي المساج لازم يشاركج التعب ههههه علشان الظهر والريول حد يسوي لكم. ومن تخلصون المساج. لبسي الزليغات علشان تحتفظين بالزيت بريولج وقبل لا ترقدين افسخيهم لانه مب زيت انتي وأرقده الزليغات. وأنا جيه أسوي.
طبعا ألبانيو. أسوي بليل وعقبه المساج علشان ارقد
قسم بالله يا خواتي ارقد ولا أحس بأي شئ. وأقوم مرتاحا كل التعب والألم يروح. وكل أسبوع جيه.
وللعلم. يوميا أحط زيت زيتون على صدري اتهيا للرضاعة
وكل يومين أدهن جسمي بزيت زيتون ورقد. بدال الكريمات. يكون الترطيب أحلى
وكل أسبوع بانيو وقبلها الخلطات
يعني أسوي خلطه عقب أقشرها واغسلها وعقب اقعد بالبانيو
ويوميا قبل لا راقد اشرب نعناع منقوع في المائ الحار.
لانه من الثامن خلاص غازات تكون للحامل والنعناع يتخلص منها.
وان شاء الله استفتدوا من طريقتي وتجربتي.
والحمد الله الجسم ناعم وطري ومب جاف
يوميا مشي ويهج بفوطه خاصه لويهج ماي ورد بارد
وحطي يوميا زيت زيتون بصدرج والحلمات والشفايف ونا بعد أحط في عيوني واسوي لهن مساج خفيف
تحياتي لليميع
ومن الثامن ابدي أدهني جسمج زيت الزيتون
المشاركة الأصلية كتبت بواسطة نبض المشآعر 
ههههههه يا بوج لازم جيه ما فيه عقب اندم ههههههه
والحمد الله أحس براحه وتغير
لانه ما فيني اتعب وايني اكتاب الحمل بعد.
الله يوفقج حبيبتي ويسهل عليج يا رب
مشكوره فديتج