شعري كان طويل وكثيف(كان يوصل لركبتي) وكان الكل يمدحه ويتعجب منه
فعرس اخويه قررت اخليه مفتوح ..ما بغيت اسوي تسريحة
خواتي وبنات العايلة قالولي يالغبية لا اتسوينها ..بيحسدون شعرج
قلتلهم ما عليكم بقرى على عمري
وفالعرس بطلته وسبحان الله نسيت اقرى ع عمري لاني كنت مرتبشة ومحد ذكرني..
المهم من
بعد العرس شعري ما اترقع ابد..تساقط بشكل فضيييع واتكشش وصارت حالته حالة
مرت الحين سنتين وشعري بعده ع نفس الحال
ما خليت شي ما سويته..قريت فماي وكبيته ع شعري
ما بقى حمام زيت .ولا زيوووت ما سويتها .وما شي فايدة ابدددد
تعبت خلاااص واخرتها قصيييته ..بعد ما كان يوصل لركبتي صار لجتفي
والله العظيم ندمااااااااااااااااااااااااااااااااااااااااااااااا اااااااااااااااااااااااااااانة واااايد
وما بقى حد ما اتشمت فيني..يقولولي احن نصحناج ونتي ما سمعتي الكلام..اتحملي نتيجة تصرفج هذا
عشان جيه خبرتكم سالفتي عسب كل وحدة اداري ع شعرها وما اتبطله ابد حتى جدام اهلها ..لان ما تعرفين منو بيحسدج..حتى اقرب الناس لج
والسموووحة ااذا طووووللت عليكم
وقاعدة اجرب هالزيوت..يمكن يطلع منها فايدة
يعني الواحد ما يعرف يتهنا بشي،،، و لا يستانس،، لييش الناس جي حسوودة و لا تصلي على النبي
الغالية رووحي لدكتوورة متخصصة بالشعر
و الله يساعدج
وقصيته وانا مب فوعي وبعدها قعدت اصيح عليه ..
بس انتي من سنتين انا بكمل الثمان سنين .. وبعدين يا اختي مفعول الزيوت ماييج بسرعه لازم تصبرين شوي .. بس تمي اقري عليه وداومي لانه اذا عين مارح تكتفي بشعرج وبس الله يكفيج شر الحساد يعني ماعرف وين المشكله لاذكروا الله ..
الحين ماينفع الندم ،، حاولي تهتمين فيه ،، اعتني فيه من ناحيه الزيوت الطبيعيه ،،
داومي على الحنه الطبيعيه بين فتره وفتره ،، وان شاءالله ماتشوفين الا شعرج رد شرات قبل واحسن ،،
بريتي22 لا تخافي حصل خير راح يرجع شعرج مثل كا كان
بقولج عن قريبتي ….
ما شاءالله شعرها لين اسفل ظهرها وكثافة ما شاءالله تبارك الله
وفجأة صارت لها تساقط غير طبيعي من طول الشعر ينزل بشكل مخيف
الكل كان يقول لا لا هذي عين واضح.. وراحت عند قارىء واعطاها ماء وزيت مقري عليه
وهي مسكينة استسلمت انه فيها عين
جلست سنة على هالحال لين والله والله انها صارت صلعه فروة الراس تبان من كل جهة وقصت شعرها لين عند أذنيها يعني كارية
من خفته صار خفيف لدرجة والله ربطة البنوتات اللي عمرهن سنتين وثلاثة تكفي شعرها
شيء والله ما يصدق .. هذي اللي شعرها طول وكثافة .. يصير بهالشكل
المهم لين مرة قلت لها .. اسمعي انتي الحين مستسلمة انه فيج عين .. فاخبرتها أنها تروح تعرض نفسها على طبيبة جلدية
وفعلا سمعت النصيحة وراحت … واللي حصل انها طلع عندها فقر دم عام والحديد بالمرة ناااقص
وهالعنصرين مهمين جدا جدا للشعر
اعطتها الدكتورة علاج لزيادة نسبة الدم والحديد
ووالله والله أنه شعرها رجع باسرع وقت بدأ ظهور الشعر وتغطت فروة راسها مثل ما كان
وما شاءالله بدا يطول والحين بفضل الله رجع مثل ما كان طول وكثافة وقالت الحمدلله اني ذهبت للدكتورة .. وانتي أختي بسرعة لا تتاخرين اعمل فحص للدم والحديد
لازم تشوفجح دكتورة …والسموحة طولت عليج ولكن والله هذه قصة حقيقية صارت لقريبتي
وآنا اللي رايتها بأم عيني محد قال لي
نصيحة أختي روحي للدكتورة .. واقرأي على نفسج دائما التحصين ما في احسن منه
ودعواتج