عندي سؤال محيرني ومخوفني جدا جدا جدا …
السالفة بعد ولادتي اكتشفت ان عندي خمول في الغدة الدرقية بدرجه بسيطة جدا لدرجة ماتبين ألا بالاسكان المهم اصر الدكتور بأعطائي حبوب أثيروكس 50 م وانا مب مطمئنة ماعرف ليش ؟!
انا خايفه احمل مرة ثانية لاني لازم في الحمل أخذ الدواء وأخاف اضرار تحدث للبيبي ..
مع أن الدكتور قال عادي بس ابغي قصص واقعية .. للأطمئنان
منو صارألها مثلي وحملت وخذت الدواء والطفل سليم ميه مية .. وماشي مشاكل ..
والي تعرف دكتورمتخصص في الغدد غير (عبدالرزاق المدني) أدليني الله يجزاكم خير …
يعني هاي أول مرة يكتشفون أن عندج هالمرض (النقص في هرمون الغدة الدرقية) ولا سبق أن وجدوا فيه؟؟ اذا هاي المرة الأولى .. فأنصحج تكررين التحليل أكثر من مرة وفي أكثر من مستشفى وتريي كم شهر يمكن تتعدل النسبة.. بس اذا لاحظتي أعراض قوية لاتهملي العلاج سوي اللي الدكاترة يقولونها لج .
بيني وبينج أن مرة قالولي (قبل 3سنوات تقريبا) أن عندي خمول في هرمون الغدة الدرقية وفعلا كنت أحس بأعراض المرض منها الخمول والكسل وعلى طول فيني رقاد وأحس بالخوف مب طبيعي وتكيس في المبايض ونقص كمية الدورة (ترا النقص في هرمون الغدة الدرقية تلحبط هرمونات الجسم وتزيد الوزن غالبا) بس ما كتبولي العلاج قالولي نعيد التحليل بعد الفترة وعادوها وبعد كان في نقص بسيط بس قالوا نتريا بعد شوية لأنهم ماكانوا مصدقين أنه عندي هالمرض ليش أونه انتي ضعيفة واللي عندهم خمول الغدة الدرقية يزيد وزنهم! مع أني حسيت بزيادة وزني في هاييج الفترة نسبة عن قبل..لين تركت مراجعة المستشفيات واشغلت عمري باشياء ثانية تنسيني التفكير في هاي السالفة لأني صج ياني أكتئاب من كثر التفكير.. لين نسيت السالفة وسبحان الله اختفت كل الأعراض اللي كنت أحسها…وبعد شهور تذكرت قلت بسير بجيك فسويت التحليل قالولي الحمدلله النسبة طبيعية (ماشاءالله)! الحين كل ست شهور أسوي التحليل بس عشان أطمئن ..بس الحمدلله يقولولي طبيعي كله بفضل ربي نحمده ونشكره.
بس هذا ما يعني أنج تهملين المتابعة .. كل حالة تختلف عن الثانية مدام الدكتور كتبلج العلاج يمكن لأنه شاف انتي تحتاجين العلاج(اللي هو تعويض عن النقص هالهرمون في الجسم)عشان مايتأثر على باقي الهرمونات..
خلال الفترة اللي قالولي عندج خمول الغدة الدرقية كنت أدور عن المواضيع اللي يتكلم عن هالمرض ، المعلومات اللي اتذكرها هي
1- أن نسبة الحريم أكثر بهالمرض عن الرجال.!
2- أن أكثر النساء يصابون بعد الولادة (مثل حالتج)!
3- أنا لاحظت أن الحسد له دور والله أعلم ! عشان جيه لاتنسين تقرين أدعية الصباح والمساء والمعوذات دايما.
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
اسأل الله العظيم رب العرش العظيم أن يشفيج
يعني في فحص الدم الهرمون عادي
وتطرين الاسكان يعني الصورة الصوتية
يعني جرعه كبيرة والحمدلله البيبي تمااااااااام التمام
يارب لك الحمد والشكر
بس اذا ماخذتي الدوا بيضر البيبي
وها الحمل اشرب 200
لاتخافي بالعكس اذا ماشربتيهم يضر البيبي ويضرج انتي لانكم كلكم محتاجينه