0
0
0
0
0
0
اليوم يايبه لكم طريقه عيش دياي تحته وهاي طريقة الوالده ..الله يحفظها ويخليها لنا ..بس انا اللي مسوتنها ….
ونكهتها مميزه واعدادها سهل وبسيط ..
اول شي جهزوا المقادير ..
تسوين العيش عادي وتشخلينه ..
دجاج مقطع ومفور ..
بطاط مقطع صغار ونقليها ..يفضل كميه كبيره ..يطلع احلى .
فلفل بارد مقطع مكعبات ..بعد خليها كميه ..اذا دجاجه وحده فلفله كامله ..
بصل مقطع صغار عدد 3 حبات وسط
البصل..
فلفل بارد ….
البطاط مقلاي ..
بعد ما خلصنا قلي البطاط ..نحط البصل على الزيت نفسه ..ونخليه يذبل شوي ..
وعلى طول نحط عليه الدياي المفور والفلفل البارد عشان يتحمر الدجاج مع البصل ويذبل الفلفل …
نحط فلفل اسود وملح وكركم ..وبهارات عاديه ..انا احط بزار بحريني 1 م شاي ..و1م ص ماسالا ..بس لا تكثرين ..
وطبعا هذا شكله بعد ما تحمر الدجاج والبصل …
نطلع الخلطه من الجدر ونخليه على جنب ..
نحط ثلاث ارباع كميه العيش المشخول في قاع الجدر ..
ونحط عليه خلطه الدجاج بهالطريقه ..
ونحط باقي العيش على الخلطه ونسكر الغطا ونخليه 25 دقيقه على نار هاديه ويفضل تحطين الحديده تحت الجدر ..
وهذا شكله بعد الغرف …صورته بسرعه لان ريلي كان يوعان وبيذبحني لو عرف ان التاخيير عشان التصوير ههههههههههههه
