فديت امي .. ست بيت ممتازه عليها اكلات تخبل .. ما تلام اصلها مصري ومن الاصول الفراعنه ..
هذي الاكله من الاكلات المفظله لقلبي
( دجاج محشي فريك ) احب اكله لقلبي .. اموت عليها … تعرفون شو مسميه بلوتوث موبايلي ( محشي فريك ) يوم امي تسويها عيد عند البيت كله .. ومع هذا امي ما تسويه الى كل شهرين او ثلاث شهور مره ..
بخبركم الطريقه ..
كوبين فريك .. الفريك تلاقينه في كارفور وين عند البزار والعيش
دجاجه مغسوله ولا تشلين الجلد ..
3بصلات مقطع صغير ..
4 فصوص ثوم مقطع صغير
بقدونس ..
فلفل اسود ..
ماجي ..
ملح ..
صلصل ..
زيت
الطريقه ..
تنقين الفريك في الماي تقريبا 5 ساعات ..
بعدين تيبين الفررريك و البصل على ثوم على البقدونس على الماجي على الملح وفي جدر وتمين تجلبينه لين ما يتخربط كله مع بعض .. بعدين تحطينه على النار وتحيطن عليه ماي ..وتقلبين فيه لين الماي ينشف .. بس الفريك لا تنظينه .. يعني نبيه نيي شوي ..
بعدين تيبين الديايه وتعبينها وين تحت الجلد يعني تفتحين الجلد وتعبين خلطة الفريك داخله بس شوي شوي علشان ما يتقطع الجلد .. وبعد تحطين من الفريك داخل الديايه نفسها .. يعني تترسين الديايه من داخل الجلد ومن داخل الديايه نفسها .. وبعدين تيبين الصلصل وتمسحين الديايه من فوق وحطي وايد صلصل من فوق الديايه .. ورشي شوية زيت .. شوويه مب وايد . ولفيها بالمنيوم .. وحطيها في الفرن اول شي من تحت لين ما تنظى .. وعقب حطيها فوق لين ما تحمر ..
تقدرين بدل الديايه تسوين ديك رومي .. او حمام .. بط .. وز عادي بس هذي شغلة المصرين
بالهنا والعافيه
انا احب الاكلات المصرية والحينه خاطري اكل صينية بالبطاطس
تسلمين وما قصرتي على الطريقة
بنجربها انشاء الله ،،،،،،،