أول شي اسمحولي على التأخير الشديد مني ..!!! وان شاء الله ما يتكرر هالشي المرآت الياآية ..!!
طبعاآ الخطة بتتغير هالمرة لآن الحينه وصلنا على نهاية شهر 7 والبعض ما لحق على دورة الاولى للثقة ..ففكرت اني احطلكم كله المهارات المراآت الياية ..والجدول عليكم انتواآ كيف ترتبونه ومتى تبتدون ..
بس..!!! يفضل انكم تعرفون كله المهارات الخاآصة بالثقة بالنفس …وكيف تنمون هالمهارة في انفسكم …ويا حبذا لو تبتدون مع كل موضوع أحطه ..لأن هالشي بيسهل لكم فهم الأمور وتتبع المهارات 
اللي ما لحقت تقراا المهارة الاولى تقدر تدخل على هالرابط ×× تقدير الذات ××
ما بطول عليكم …ببتدي ويا أهم ثاآني مهارة ..وتعتبر صعبة مقارنة بالمهارة الآولى ..صعبة لآن يباله نشاآط // حيوية // الاقبال على الحياة بحلوها ومرها // والتعلم من الفشل !!!
وهي ::مهاآرة المجازفة وقوة الإرادة ::
===================
اول شي بتكلم عن المجازفة وبركز عليها أكثر ,,
شو تعني المجازفة ..معناته بشكل عاآم اتخاذ القرارات الصعبة قد تغير حياتك نحو الأسوآ او الأفضل ..!!!
شو فايدة المجازفة:
1- تعلمنا عدم الخوف من الحياة .
2- ما نوقف مكتوفي الأيدي .
3- نستغل كل فرص الحياة بحلوها ومرها.
4- الفشل مب نهاية العالم .
5- نكتسب درس من دروس الحياة .
وأهم نقطة تعلمنا (( الاعتماد عالنفس والثقة )) …وبالآخير انتي تطلعين كسبآنة ..!!
انزين بعطيكم أمثلة على المجازفة //
مثلاَ : تعتبر البدء في المشروع من أنواع المجازفات لآن في النهاية يمكن تطلعين ربحانة او تخسرين المشروع ..بس البعض ما بيبتدي في المشروع لانه خايف من الخسارة..بس من الجرآة اذا انتي بديتي في المشروع وجازفتي في هالحالة بتكتسبين مهارات وايد // مثل تعامل مع الناس وشو نقاط الضعف في المشروع وهالشي بيكون كخبرة في حياتج ..وحتى لو فشلتي عالآقل عرفتي كيف تتجنبين الآخطاء المرات الياية..!!
فعلا..عن تجربة احس المجازفة تلعب دور في اكتساب الثقة …لانج تجربين وتتعلمين …لا تسألين حد لما تجربين شي …احيد مرة سرت مكآن وضيعت ..بس فكرت اني روحي ادور الدرب اللي بيطلعني من هالمكان وجازفت مع اني كنت احس اني بضيع اكثر بس لا بعد مدة طلعت من المكان وحسيت التجربة كانت حلوة …عكس لما تسألين حد لين ما توصلين لدرب…
والحينه تقدرون تجمعون المجازفة وتقدير الذات بتجاربكم,,, يعني مثلا تقدرين تغييرين اللوك كامل ,,,مثلا تصبغين شعرج < اول مرة تجربين الصبغ ,, عيبج اللون بس ربيعاتج او اي حد ثاني ما عيبه ,…استخدمي مهارة تقدير الذات وبيني لهم انه عايبنج وهالاأهم ^^
بس لا تعتبرون المجازفة معناته انكم تجربون الحرام .,@ لااا وألف لااا,,ً@ المجازفة في اشياء تتعلمين منها اساسيات التعامل مع الناس وتكتسبين خبرة في شخصيتج .
وأي استفساآر أنا حاأضرة وان شاء الله بكملكم لكم الدرس الياي مع قوة الارادة^^
ثانيا أنا صحيح أعيش في بوظبي و أشتغل فيها بس أدور على فرصة أفضل في دبي فهل بتأيديني و هل هذه مجازفة ؟؟
مع إني شوي خايفة من هالموضوع ، شو رأيك؟
و كمان شغلة ثانية بخصوص الدورة الأولى كيف ممكن أرد عالشخص الي يعايرني أو يستغل طيبتي مثلا من دون ما يكون فيه قلة ادب؟؟؟
و شكرا
المشاركة الأصلية كتبت بواسطة hiba_003 
ثانيا أنا صحيح أعيش في بوظبي و أشتغل فيها بس أدور على فرصة أفضل في دبي فهل بتأيديني و هل هذه مجازفة ؟؟
مع إني شوي خايفة من هالموضوع ، شو رأيك؟
و كمان شغلة ثانية بخصوص الدورة الأولى كيف ممكن أرد عالشخص الي يعايرني أو يستغل طيبتي مثلا من دون ما يكون فيه قلة ادب؟؟؟
و شكرا
لا شكر على واجب اختي
وان شاء الله راح تستفيدون من المهارات الياية …
بصراحة انا اعتبرها مجازفة ..انتي قدمي وان شاء الله اذا حصلتي فرصة بتتوفقين فيها بس لا تنسين تستخيرين وتقدمين عالموضوع …والخوف هالشي طبيعي لانج بتقدمين على شي يديد ولأول مرة ..بس الخوف بيختفي تدريجيا بس بتتعلمين وايد اشياء من هالتجربة ^^ ..بتقارنين الشغل بين ابوظبي ودبي وبتشوفين وين الراحة ..!! وفوق ها كله بتتعودين على انج ما تضيعين الفرص ^^ واهم شي الخوف بيطير من حياتج
وعن الطيبة ..اصعب شي في الحياة انج تغيرين من الصفة اللي انتي متعودة عليها من سينين…بس اهم شي عسب محد يستغلج …تتعلمين شي اسمه " لا " ..وان شاء الله بنتطرق على هالاشياء المرات الياية ..!!!
والسموحة عالمداخلة ^^
انا من زمان انتظر الدوره وتوني سبحان الله كنت بطلع من القسم بس العنوان لفتنى ليش يا اختى ما سميتيه لاسم الاول وتكتبين عليه تكمله الجزء الثانى هذا شي الشي الثانى يا اختى الله يهداج انا وايد يهمنى الخط لو ترجعينه الخط العادى فديتج بيكون احسن لانه مرات الخط يخلينى اطلع عم الموضوع الشى الاخير وهو يزاج الله خير بس احب انج تدعمين امثله المواقف وايد لانه يوضح وجهة النظر .اعرف مايد تطلبت بس هذا عقاب لج لانج وايد تاخرتى
والسموحه
المشاركة الأصلية كتبت بواسطة كلى دلال انا من زمان انتظر الدوره وتوني سبحان الله كنت بطلع من القسم بس العنوان لفتنى ليش يا اختى ما سميتيه لاسم الاول وتكتبين عليه تكمله الجزء الثانى هذا شي الشي الثانى يا اختى الله يهداج انا وايد يهمنى الخط لو ترجعينه الخط العادى فديتج بيكون احسن لانه مرات الخط يخلينى اطلع عم الموضوع الشى الاخير وهو يزاج الله خير بس احب انج تدعمين امثله المواقف وايد لانه يوضح وجهة النظر .اعرف مايد تطلبت بس هذا عقاب لج لانج وايد تاخرتى
والسموحه
وعليكم السلام ورحمة الله وبركاته
لووول عيل زين ما طلعتي من القسم ^^ رفعته الموضوع لعيونج
والله انا معاآج بهالنقطة اخليهم الاثنين في موضوعين روحهم …بس لاني وايد تآخرت ففكرت احطلكم الدورتين ويا بعض وخاصة ان " المجازفة " تيج على حسب الفرص يعني مب دوم تقدرين تطبقينه..لكن شفت اني وايد كتبت ففكرت اخلي قوة الارادة المرة الياية ^^
بحط الأمثلة ولا يهمج ..!!
بعطيج مثال يعمم الموضوع بكبره …مثلا شي مسابقة دولية …وطبعا اذا انتي مب واثقة من نفسج بتقولين انا وين والمسابقة وين ..بخسر في المسابقة …بس اذا فكرتي فيها ما في شي يمنعج وخاصة ان عندج امكانيات وقدرات …فتدخلين في المسابقة << هاي اسميها مجازفة يمكن تفوزين او يمكن تخسرين ..بس بالاخير تتعلمين ..وما تخافين من شي اسمه الفشل ..
شي وايد امثلة عالمجازفة …بس ما تحصرني اعددهم ^^ …واكثر شي يعتمد على القرارات اللي بيتخذه الفرد …يعني لا تفكرين فيها وايد تقدمي نحو الآفضل مع الاستخارة طبعا ^^
وان شاء الله نصايحج باخذهم بعين الاعتبار …كم (( كلى دلال )) عندنا 
اشكرج على المرور ^^
وانا جازفت من فتره في الشغل
انا اشتغل صيفي في دائرة حكوميه
ومشتغل قبل مدربه عندهم يعني كل ألي في القسم اربيعاتي
فالسبوع ألأي طاف كل القسم ماخذ اجازه إلا وحده وقبل ما اسوي شي استشيرها
فمره طلبت مني ادخل شي في السستم مالهم وانا ما اعرف عدل كيف اسوي هالشي
كنت وايد متردده وهي كانت تشجعني وجازفت وحطيت الأشيا المطلوبه في السستم مع شويت أغلاط
بس هي ما لامتني ابد وقالت اذا صار اي شي هي بتتحمل المسؤوليه