ريجيم المرضعات في مركز دكتور نيوترشن 2024.

منو كانت مربية وجربت ريجيم المرضعات من مركز دكتور نيوترشن ؟ انا اخترت هالمركز بالذات لانه جريب بيتي
حابه ابدأ دايت بنفس الوقت ما اريد حليبي يخف لانه اصلا خفيف وولدي ما يحب الصناعي وايد … ولدي جريب يكمل 6 شهور وعندي مناسبة حلوة شهر 8 القادم … وحابه اغير لووكي واستعيد رشاقتي … انا حابة انزل 10 كيلو تقريبا .. هل بيمديني الوقت

فيدوني بتجاربكم

ما بيمديج

انا من شهرين وامشي ع رجيم مرة قاسي ومرة تخفيف. مع اني ما ارضع .. ونزلت ٥ كيلو الحمد لله..

وانتي ترضعين.. يعني بتحتاجين تتغذين باغذية ادر الحليب..

كثري من الرياضة اللي تحرق الكالوريز.. والمشي..

بينشد جسمج وبتحرقين الاكل اللي تاكلينه والدهون المتراكمه

انا حاطة في بالي انقص 2 كيلو بالشهر الواحد عسب احافظ على الرضاعه من جي خليتلي وقت كافي 5 شهور جدام

معقوله ما بيمديني انقصهم

بيمدييييج ان شاء الله ، بسس لا تسسوين رجيم نيوترشن لانه وااايد قاسي وعادي يوقف عنج الحليب

وبعدين اصلا اللي ترضع وزنها بسسرعه ينزل لان كل رضعه تحرقين سعرات حرارية سبحان الله >> معلومة

فإذا حابه تنزلين وزنج و تحافظين ع حليبج ، نظمي اكلج و كثري سلطة و فواكه و عصاير فرش .. و امشي يوميا ساعه ع الاقل ..

و ان شاء الله بينقص وزنج تدريجي …

السلام عليكم اختي. تبين حل سريع و فعال… اكل صحي مع رياضه وعن تجربه ما بيوقف الرضاعه. واذا متخوفه ممكن تاخذين حلبه (اتكون على شكل اقراص)
و النصيحه الثانيه اذا بتسوين رياضه اطلبي مدربه خاصه مش مع مجموعه و اذا قدرتي اطلبي مدربه اتي البيت 3 مرات بالاسبوع. و في انواع تمارين اتسوينها اترتب الجسم و اتنزل الوزن ..
انا رحت عند دكتور نيوتريشين و استفدت لكن كان قاسي شوي لكن مع الفيتامينات و التمارين النتيجه كانت مذهله…

اذا حبيتي رقم مدربه ممتازه ممكن تتواصلين معاي على الخاص

أنا ما ارضع بس مشتركه فالمركز ووايد ارتحت لهم نقصت فالشهر ٦ كيلو .. ع حسب الجسم طبعا أنا نزولي دائماً بطيء