خواتي بدش في الموضوع سيده ابغي اعرف طريقة الارز الصيني لاني ناويه اسويها على السحور انشاء الله
المشاركة الأصلية كتبت بواسطة فجووووورة 
.
.
طريقة رز ॥
يسلق في ماء+مكعبات الخضروات المثلجه+الرز ثم يصفى ويرجع للقدر
نسوي بيض مقلي نفتت ونحط على عيش ،ونصب علي عيش صلصة صويا
॥
دجاج صيني ॥
المقادير
دجاج مقطع قطع صغيره
بصل وفلفل بارد وطماطم مقطع مكعبات صغيرة
ملعقه صويا صوص
ملعقه كتشب
ملعقه اكل سكر
مكعبين ماجي
ثوم
ملعقه صغيرة كمون
ملعقه صغيرة كزبره ناشفه
ملعقه صغيرة كركم
ملعقه صغيرة كاري
ملعقة اكل نشا
الطريقة
نضع الزيت على النار في المقلاه نضيف الدجاج ونتركه لغايه ماينشف السائل اللي يطلع من الدجاج
نضيف البصل والفلفل البارد
نضيف البهارات والماجي ونقلب الجميع ॥
نضيف الطماطم والسكر و نضيف الثوم والنشا ونقلب
نضيف صويا صوص والكتشب ونقلب..
.
المشاركة الأصلية كتبت بواسطة Fafi الرز الصيني.. "تشاينيز رايس" روووعه
..مساء الخير على الجميييع..
من أطباق الرز السهله والحلوة الطعم طبق الرز الصيني chinesse rice
هذي طريقتي اللي دايما اسويها للأهل بعض الأحيان اقدمها في الغدا كرز صيني عادي بدون الدجاج ولكن بجانبه صوص الدجاج الصيني أو على العشا ويكون فيه قطع دجاج طبعا بدون عظم.. وحتى للغدا كمان سهله وخفيفه مرره..
بسم الله نبدأ..
المقــاديــر: جزر مقطع مكعبات – بصل مقطع صغير – كرنب (ملفوف أبيض أو بنفسجي) مقطع طوّالي صغير – فاصوليا مقطعه بشكل متوسط – علبة ذرة – علبة بازيلا خضره (نخي أخضر) – صدر دجاجه كاملة مسلوقه ومنتفه بشكل طويل – ماجي – 3 كاسات رز مغسل ومنقوع في ماء لمدة نص ساعة – ملح وفلفل أسود وزنجبيل مطحون – صويا صوص.. ملعقة طعام ونص كتشب – 3 بيضات..
الطـريقــة: نخلي قدر كبير فيه كمية زيت كافيه على النار هادئه وعشان نكسب الوقت كل ما نقطع شي نضيفه للقدر.. البصل ونحرك شويه لين يصفر.. ثم الجزر ثم الكرنب والفاصوليا.. فقط.. يقلب على النار نضيف الماجي ملح وفلفل أسود وشوية زنجبيل مطحون (بودرة) وشوية صويا صوص.. نضيف شوية ماء ونغطي القدر عشان يستوي.. ثم نضيف الكتشب والذره والدجاج ويقلب.. لا يروح كل الصوص عشان نبغى الرز يمتصه.. يعني ضيفي شوية مويه لو احتجتي..
آخر شي نضيف البازيلا..(بزاليا) عشان لا تتهري وتتهرس.. يعني مجرد دقيقه ونص مع الخلطه..
في هذا الوقت كمان نسلق الرز ثلاثة ارباع سلقه..
نصفي الرز ونضيفه للخلطه.. وعشان لا تتهرس البازيلا من الجوانب نرفع الخلطه لفوق بحذر.. لين ما يتلون كل الرز ووتوزع الخلطه..
نسوي البيض كل واحد على حده.. زي طريقة (بيض البلاليط – الشعيرية بالسكر) ولما يستوي من الجهتين نقطعه في المقلاه ونقلبه يتحمر زياده وضيفه للرز.. وهكذا..
نقلب الرز… ونقدمه سااااخن.. بجانب السلطه..(الكمية هذي مو كلها..في القدر باقي كثير)
إن شاء الله تكون عجبتكم.. جربوها تره كثييييييييييير طعمممممممممه
ما تآخذ وقت.. ساعه إلا ربع فقققققط…وبالعـــــــــــــــ ــــــــافيه
لا تنسوني من دعواتكم..
((( منقوووووووووووووووووووووووول )))