كيفكم بنات
شو بتتصرفين اذا عندج في نفس المكتب بنت بينج وبينها ططش يعني موقف موب زين يعنى البنت تحب تستفزج وتبين تفسها انها تشتغل ومسكينة وانتي الشريرة الكسولة مع ان العكس صحيح.
انا ما احب احد يكرهني او اغلط على احد .اعدي اي موقف بايخ لاني اعرف من الغلطان.. وهي بعد تعرف نفسها انها اهي السبب مثلا(صار لي ظرف وقلت بطلب اجازة اليوم الفلاني عندى موعد في المستشفى)
احصلها تطلب قبلي الاجازة في نفس اليوم الي انا اطلبة عناد فيني اخبر المسوول ما يصدقني ؟يقول اهي طلبت الاول ؟!
اطلب سنوية نفس الشى!
الشغل تقول اهية الي تنجزة مافي احد غيرنا في المكتب يعني حياتها نفاق عند المسؤول ..
اتنغز بالكلام اطنشهاااااااااا احس انة عيب مش من تربيتي اسوي مشاكل لان صديق الدوام او الوظيفة احنا ما نقدر نختارة مفروض علينا …….. عيب الحريم يتكلمون وراء بعظهم عند الريال لو شو ما يصير بينا . .صح؟
اقدر اشرشحها
وابهدلها وافضحها
بس اذا خاصمت مسلم عملك وعبادتك وصيامك ما ينرفع عند الله عز وجل صح؟
جبدي انتفخت منها اهية تتسبب بالمشاكل وانا على نيااااتي …….. ارجوكم رجااااء قولوي كيف
اتصرف بدون ما يصير زعل
لاتبخلون علية بالنصيحة
هذا مجال عمل .. يعني الانسان يشتغل ويؤدي واجبه بضمير وعلى أكمل وجه وما عليه من أحد
علاقات العمل خليها رسمية دام انه الناس اللي وياج جذه طبعهم … يعني هالزميلة تعاملي معاها برسمية شوي لا تعطين وتاخذين وياها وايد .. صدقيني هذا أريح لج انتي
لا تخبرينها أو تطرين جدامها حتى لو حد حق ثاني غيرها في مكان الشغل… لا تقولين باخذ اجازة بسبب كذا او كذا …. لا
خلي أمورج كلها سرية … يعني بدون ما تقولين لاحد انج تبين تاخذين اجازة ..سيري عند المسؤول وقدمي على الاجازة وخلاص
بالنسبة للشغل نفسه ..خلصي أمورج وأدي عملج ودايما خلي عندج ملف إنجاز أو تقارير تسجلين فيها كل اللي تسوينه … وتحفظين على الكمبيوتر … يعني سوي لج ملف بكل شغل عشان يكون موثق عندج كل عمل تقومين فيه ويكون مرجع ودليل إذا احتاج الأمر عقب تقدرين تظهرين لمسؤولج في العمل ويكون دليل على حسن أدائج
ولا تهتمين باللي زميلتج تقوله ويوم تنغز بالكلام ..طنشي ولا كأنج تسمعينها .. وسوي شغلج بما يرضى الله ويرضي نفسج وبس
والله يوفقج ويهديها يا رب
بس يكون بينج وبين المدير
ع فكره كنت اتدرب وحده من الموظفات كانت تغار عليه
كل ما اظهر مكان كانت ترمس من ورايه مع اني كنت اعتبرها شرات اختي
كنت اسير الكافتيريااا والله كنت اشتريلها ، بعد كانت تقووول كلام من ورايه
حتى قالت المسؤله انا ما اشغل بنات حلاوات عندي ، عقب انا قلت ما اريد اشتغل ولا شي طلبت من الاداره اني ما اتدرب عنهم
يعني لا تقولين لها ان هاليوم بتطليعن عشان هي تاخذ الاجازه قبلج
خلج عاديه ولا تعبرينها ولا تسوين لها سالفه
ولو انا في مكانج بخسس فيها بقول مثلا بقول يوم الثلاثاء باخذ اجازه عشان المستشفى هي بتسير قبلي وبتاخذ هاليوم اجازه
عاد انا باخذها الخميس عشان بيكون الموعد الخميس عشان تحرم تسوي هالحركات
ونفس الشي في الاجازه السنويه