خواتي بقوللكم قصة ربيعتي قبل وابا منكم فتوى بخصوص هالموظوع
ربيعتي ريلها مقصر فحقها واايد و صبرت عليه وايد بس هي قالت ماشي حل غير انها تشتكي لاهلها اشتكت لأهلها اول مره وصار خلاف كبير بين ابوها و زوجها لدرجة انه هدده اذا هو ريال يطلق بنته مع ان الابو ما كان معصب وايد بس الريال على طول طلقها ..
ردت له .. بس الخلاف بينهم رجع مره ثانيه .. وماشي فايده .. لا واكتشفت انه يخونها فنهارت وهددته اذا ما طلقها بتسوي شي فعمرها .. وهو بسهوله طلقها ..
وردتله للمره الثانيه مع انه ما اعتذر .. ومرت الشهور وشافت رقم اللي كان يرمسها ريلها فورقه هي كانت كاتبه عليها الرقم لما كشفته المره الاولى .. بس المره الاولى اتصلت وسمعت الصوت بس وبندت هالمره حست كان حد يقوللها اتصلي على الرقم وخذي وعطي ويا البنيه .. دقتلها و هي على طول دشت فالموظوع قالت انا زوجة فلان .. الحرمه استغربت عقب وتمت مستنكره عقب وحده غيرها مطت عنها التلفون وقالت هي انتي حرمة فلان اتقوللها "انتي حرمته ولا طليقته هو قال مطلقنج" قالتها انا حرمته جان اترد عليها اونه هي خطيبته اتفاجأت الحرمه لا واترد عليها بكل وقاحه" والله يوم انج انتي مقصره اكيد ريلج بيرمس غيرج ونحن انرمس بعض من زمان" لا وبعد اللي ردت عليها فالبدايه طلعت امها ماشالله الام عندها علم ان بنتها اتكلم ريال غريب ونعم التربيه ..
المهم ربيعتي انهارت مره ثانيه وهي فبيت اهلها الحين فشهرها التاسع وحليلها "بيني وبينها اسابيع" (الله يعينها) وهددت ريلها مره ثانيه اذا ما طلقها بتسوي شي فعمرها وهو بسهوله طلقها مع انها كانت ردة فعل عفويه منها "هاذي وجهة نظري" يعني المفروظ الريال ما يطلقها يتفاهم وياها ..
المشكله لما سألته انه خاطبنها ما نكر وما قال اي شي هذا اللي خلاها تنهار وتطلب الطلاق
والحين هي ما اتعرف شو حكم هالطلاق وهي متندمه .. بس لانها حامل .. انا قلتلها اسالي مفتي بس المفتي ما يرد على الاتصالات الا فالنهار والسالفه صارت اليوم .. الله يعينها ويصبرها ويقومها بالسلامه ..
شو رايكم خواتي الطلاق جايز ولا لا خصوصا انه للمره الثالثه .. ؟؟؟؟؟
ابا فتوى اكيده بخصوص هالموظوع ..
الله يسويلها اللي فيه الخير
بس لازم باجر من الصبح ان شالله يروح الريال والحرمه تروح معاه المحكمه والقاضي بيحكم عليهم
والله يهدي الجميييييييييييييييييييييييييع
المشاركة الأصلية كتبت بواسطة وحيدة زماني 
بس لازم باجر من الصبح ان شالله يروح الريال والحرمه تروح معاه المحكمه والقاضي بيحكم عليهم
والله يهدي الجميييييييييييييييييييييييييع
بس انا اتساأل هي شو تبى فواحد ما حشمها و وفوق هذا يطلقها بكل سهوله
الله يهديه ان شاء الله