شحالكم؟؟ شخباركم؟؟
اليوم يبتلكم سلطة الناتشوز وااااااااايد لذيذة و سهلة
هاي السلطة كانت مسويتنها مرت حميي مرة و كلتها و عجيبتني
و سويتها امس حق بيت امي و عجبتهم وااااايد لدرجة انها خلصت
يلا خلونا نبدا
نقوول بسم الله
المقادير:
بوب كورن دياي
خس افرنجي "بس انا حطيت الخس العادي لأنه ما كان عندي الافرنجي"
شيبس الناتشوز
صلصة ثاوزند ايلاند
الطريقة:
1- نقلي بوب كورن الدياي و نخليه على ينب
2-نقطع الخس و نخلطه في صحن مع الخس
3-نييب صحن و نحط عليه شوية من رقائق شيبس الناتشوز
4-ثم نضيف الخس و البوب كورن على شيبس الناتشوز
5-واخيرا نضيف فوق الطبق الصلصة
وهاي الصورة
هني و عافية
لأنه مجهود شخصي
وتدعي لصاحبة الطريقة بالذرية الصالحة
ان شاءالله بجرب
الله يرزقج بالذرية الصالحة ادعيلي
من يدين ما نعدمها يــارب
والله يرزق كل محروم بالذرية الصالحة
تسلمين اختي عالموضوع و الله يرزق كل محروم الذريه الصالحه المعافاه