كيف حالكم يا بنات ان شاء الله بخير وسهاله اليوم انا عندي سالفه اريد الكل يشاكني فيها هالسالفه تخص اعز ربيعاتي وهي مب عارفه اتفكر عدل لان هالسالفه فيها تقرير لمصيرها
ما بطول عليكم ربيعتيه هاذي عمرها 30 سنه تقدم لها شخص عمره 50 سنه هالانسان منفصل عن زوجته وعنده عيال بس العيال عند امهم وهو عايش بروحه وعلى استعداد بتلبية رغبات ربيعتي في اي شئ هي تباه
هذا الريال ملتزم دينا ويصلي الفرض بوقته وحريص على صلاة الفجر مشاء الله انسان مقتدر وفوق هذا انسان رياضي وما يبان عليه الكبر له حضور قوي انسان اجتماعي من الدرجة الاولى يحترم المرأه
وقادر انه يعطيها حقوقها(( طبعا انا كتبت صفات هالشخص علشان ما اظلمه وعلشان اتكون الامور واضحه جدامكم))
بالنسبه لربيعتيه هي صلت الاستخاره ومازلت اتصليها الين ما توصل لقرار السليم
انتوا شو رايكم؟؟
اريد اعرف وجهة نظر كل وحده فيكن واعتبرن ان هالبنت اختكن والله يعطيكن الصحه والعافيه
ويارب كل وحده بعدها ما تزوجت الله يرزقها بالزوج الصالح واللي متزوجه الله يسخر زوجها لها ويرزقها الذريه الصالحه
والله احس انه محترم وايد الريال اهم شي صلاته لان الصلاه تنهى عن الفحشاء والمنكر
والله يوفقها يارب
ودامها تصلي استخاره فاللـــه وياها ان شاء الله
انا أكبر عن ربيعتج ومع ذلك ماقدر آخذ واحد عمره 50 .. صعبة شوي .. لو بعده فالــ 40 ماعليه
عموووما الله يوفقها وقولي لها تفكر زيـــن
والسمووووووووحة
ساره حبيبتي فعلا الريال جدا محترم وملتزم الحمدالله
رويانه غناتي الله يرزقج بالزوج الصالح ان شاء الله ونفرح فيج هيه صعبه بس الريال مب مبين عليه طول بعرض وانسان رياضي مثل ما قلت من قبل والاهم من هذا كله الشئ الحلو انه روحه اصغر من عمره بواااااااااااااايد
ما اعرف شو اقول بس انا فعلا ما اريد اظلم الريال واريد اعطيه حقه وفي نفس الوقت اتهمني ربيعتيه واتمنى اشوفها متزوجه ومستقره ومرتاحه
غرور اشكرج على وجهة نظرج عقلانيه بشكل كبير
الله يوفقكن يا رب