شفنا الخدامه تضرب الولد الصغير وما قدرنا نسوي شي :( 2024.

اشحالكم بنااااااااات

اقسم بالله يا بنات الموقف اللي بذكره هزني هز لما شفته انا وريلي ولليوم يالسه افكر فيييييييه

بنات انا وريلي رايحيين عياده النساء والتوليد العصر .. وهالعياده فعماره فالطابق الاول ..

ودايما يوم كنا نروح العياده نشوف الصغاريه مع الخدم في مدخل العماره .. والصغاريه يلعبون مع

بعض احيانا كوره واحيانا يراوغون بعض ..

والله العظيم مره دشينا مدخل البنايه الا انشوف ذيييج الفلبينيه يالسه تضرب ولد صغيروون فديته

والله يمكن بعده ما كمل السنتين .. والصغير يصيييح صيااااح .. واهيه تشوفنا وعادي عندها يالسه

تتحرطم بالفلبيني مع الخدامات الثانيات .. شكله الصغيرون مب راضي ياكل او فر الاكل لانه في ايدها

كان صحن .. والشغالات الباقيات يالسات يضحكن ويرمسن بلغتهن .. والله غمضني الولد كان ودي اهزبها او عالاقل اشل الياهل عنها واسكته ..

وريلي عصب من تصرفها ويلس يتحرطم هذا اهمال وهذا ما ادري شوووو ……..

فالاخير قلنا مالنا شغل فيهم .. وكملنا طريقنا صعدنا للعياده وخلصت فحص ونزلنا والبيبي على نفس الحال يالس يصيييييييييييييييييييح ومصري شالنه يسكته ويقول لها بالانجليزي لا تضربيه مره ثانيه هذا طفل حرام ..

بنات والله حرام ويييييين الاهل .. ليش جذيييه يعقوون عيالهم عالخدم .. ياخي اذا انتوا مب قد المسؤوليه لا تييبون عيال ..

وش الظروف اللي تجبركم تتركون عيالكم عند اللي يسوى واللي ما يسوى ..

بتقولون والله نشتغل .. او … او … والله بقولكم ترى انتوا محاسبين جدام رب العالمين عن عيالكم

وش بتقولون يوم رب العالمين راح يسالكم عنهم .. .؟!

عالاقل بنييب خدامه بنخليها تنظف تغسل تسوي كل شي بس عالاقل تربيه العيال تكون عالام ..

عالاقل لين ما يكبرون لين ما يمشون ويتكلمون مب من طاح من بطنج شليتيه وفرحتيبه يومين وفريتيه عقب ع الخدامه ..

الله يهدي كل وحده موكله امر العيال عالخدامه ..

عسب أخبرهم بفعايل هالظالمه .. المنافقة جدام الاهل شي ومن وراهم شي ثاني