شهر 10 بداية الرشاقة ( 1/10/2024 إلى 3/11/2024) 2024.

السلام عليكم والرحمة الله وبركاته
بداية يديدة وإرادة قوية ابتدي فيها رحلتي للرشاقة
طبعا أول شيء أبغي أضعف لصحتي وشكلي ولارضي نفسي
وزني 64 وطولي 157
برنامجي تخفيف + سبيشل كي كورن فليكس
وودي أنزل 10 كيلو لين تاريخ 3 من الشهر اليائ
أبا تشجيعكم ومأزرتكم لي في رحلتي
عن أنسى تراني أمسجله في جم وبحاول أسير له يوميا إذا ما حصلي ظرف طارئ

وبسم الله أبدا.

الله يوفقج

بالتوفيق

هلا الغاليه

اليوم اول يوم لج كيف تحسيين ؟؟

يا ريت تقولين لي كيف نظامج و انا بكمل معاج

انا بعد وياكم وزني 52 و طولي 163 بس بعد ابا اضعف…^^

وذ يو حبيباتي…

وياريت كل وحدة تخبرنا جدولها….

ولاتنسون كثروا من الماي وقبل كل وجبة اشربوا مااااي وقت اليوع فاكهة او سلطة….

مرحبا خوااااتي

ان شاء الله بنضم وياااكم
وانا الصراحه ابى تشجيع لان محد يشجعني
انا الله يسلمكم و يسلم غاليكم وزني 63 وطولي 163
وابى اوصل 50 او 59
واليوم بديت رقصت رقص لاني سمعت ان الرقص يضعف
ومب ناويه اكل شي لين باجر الظهر
باكل اناناس

اتمنى كل وحده تكتب جدولها كيف عشان نفيد و نستفيد
وتقبلوني وياااكم
خويتكم ::مخاويه ابوها